მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბერა - ივანიშვილს ნიშნავს" - რუბრიკის პრემიერა - მოულოდნელი კითხვები თამუნა მუსერიძესთან
05:46 / 08-05-2014
"ამბები.გე" ახალ რუბრიკას, ბლიც-ინტერვიუების სერიას - "მოულოდნელი კითხვები" იწყებს, რომელსაც თქვენი მონა-მორჩილი გავუძღვები.
პირველ რესპონდენტად ტელე-რადიოწამყვანი თამუნა მუსერიძე შევარჩიეთ. "ამბები.გე" -ზე მასზე ატვირთული ყოველი მასალის ქვემოთ, ყოველთვის აკეთებენ კომენტარს: "სკოლაში ოროსანი იყო". სწორედ ამიტომ, თამუნასთან ბლიც-ინტერვიუსთვის კითხვების უმეტესობა სკოლის თემატიკას დაუკავშირდა.
- თამუნა, მოგესალმები.
- გამარჯობა.
- სად ხარ?
- ქუჩაში.
- საიდან მოდიხარ და სად მიდიხარ?
- ბავშვი ბაღში მივიყვანე და ახლა სამსახურში მივდივარ, დღეს ლადო ტატიშვილთან ერთად, "ევროვიზიის" კონკურსის ტრანსლაცია მიმყავს...
- როგორ ხასიათზე ხარ?
- დილით ცოტა მიჭირს გამოფხიზლება, ერთი-ორი საათი წინ და უკან უნდა ვიარო, რომ აზრზე მოვიდე და ახლა ეგ საათები მაქვს...
- შენზე ვიღაც ამბობს, - სკოლაში ოროსანი იყოო...
- ვიცი, როგორც კი "ამბები.გე"-ზე ჩემზე რაიმე სტატია დაიდება, კომენტარებში მაშინვე ჩნდება ფრაზა: "მუსერიძე სკოლაში ოროსანი იყო". ეჭვი მაქვს, მისი ავტორი ჩემი სკოლელია, არა მგონია, კლასელი იყოს. ვინც არ უნდა იყოს, მგონია, რომ არშემდგარი პიროვნებაა, ვერ განვითარდა. ცხოვრებაში თავის გზა ვერ იპოვა და ჯავრს რატომღაც ჩემზე იყრის.
- აბა, დაგვიმტკიცე, რომ ოროსანი არ ყოფილხარ?
- 55-ე სკოლაში ვსწავლობდი, მერე ბოლო ორი წელი უნივერსიტეტის მოსამზადებელ ლიცეუმში ვსწავლობდი, სადაც უნივერსიტეტის ლექტორები გვამეცადინებდნენ. იმ სასწავლებელს თუ 10-იანებზე დაამთავრებდი, უნივერსიტერში ტესტირების შედეგად ხვდებოდი. ჟურნალისტიკის ფაკულტეტზე ყოველგვარი გამოცდის გარეშე ჩავირიცხე, იმიტომ რომ, ლიცეუმში წარმატებული ვიყავი. პარალელურად, თეატრალური უნივერსიტეტის კინომცოდნეობის ფაკულტეტი, ზვიად დოლიძის ჯგუფი დავამთავრე...
- საგანი, რომლის სწავლაც გეზარებოდა?
- ტექნიკური საგნების (მათემატიკა, ფიზიკა, ქიმია) სწავლა მეზარებოდა. ამ შემთხვევაში გენეტიკა არ დამეხმარა, რადგანაც დედ-მამა ამ საგნებში ძლიერები იყვნენ. დედა ცდილობდა, რომ ფიზიკა-მათემატიკას კარგად დავუფლებოდი, მაგრამ ჩემგან არც ფიზიკოსი და არც მათემატიკოსი არ გამოვიდა. დედა იმასაც მეუბნებოდა, ეს საგნები ცხოვრებაში გამოგადგებაო, მას მერე სულ ველოდები იმ დღეს, როდის და რაში უნდა გამოვიყენო...
- ე.ი. შენთვის ქიმია, ფიზიკა და მათემატიკა არ არსებობს?
- ჩემთვის სამივე ჩინურია. ქიმიიდან გოგირდმჟავის ფორმულა H2S4 მახსოვს, ფიზიკიდან კი ომის კანონი და კიდევ, ნიუტონის კანონები...
- რამდენია 4X9?
- მოიცა... 36.
- როდის მიიღე პირველი ორიანი?
- მერვე კლასში, მათემატიკაში და ძალიან მძაფრად განვიცადე. დედას ვუმალავდი, რადგან სამიანსაც განიცდიდა. მეუბნებოდა, სამიანს ორიანის მიღება ჯობიაო.
- პირველ 2-იანზე რა გითხრა?
- გაგიჟდა. მე ასე ვუთხარი, სამიანს ხომ ორიანი გირჩევნია-მეთქი?
- ვინ მოიგონა შატალო?
- ჩემი აზრით, შატალო მოიგონა ბავშვმა, რომელსაც სკოლაში ცუდ მდგომარეობაში აგდებდნენ, სავარაუდოდ, სცემდნენ, ადრე ხომ ძალიან მკაცრები პედაგოგები იყვნენ? ან იმ მოსწავლემ მოიგონა, ვისაც დედა ჰყავდა ცუდად და სკოლიდან იმისთვის გაიპარა, რომ მისთვის წამალი მიეტანა...
- შატალოზე ხშირად დადიოდი?
- არა. პირველად მეხუთე კლასში ვიყავი, შატალოზე რომ წავედით "მზიურში" (ჩვენი სკოლის პირდაპირ იყო) და იქიდან ზოოპარკში გადავიპარეთ.
- მეგობრის რვეულიდან დავალება თუ გადაგიწერია?
- არა, რადგან ყოველთვის მზად ვიყავი გაკვეთილისთვის.
- არც მათემატიკაში?
- არც მათემატიკაში, მაგიტომაც მივიღე ორიანი.
- ამხანაგები მეტსახელად რას გეძახდნენ?
- "რატომ?" ბიჭებმა შემარქვეს, რადგანაც სულ ამ სიტყვას ვამბობდი.
- ლექსი, რომელიც ახლა გახსენდება.
- გალაკტიონის "მე და ღამე". "ახლა, როცა ამ სტრიქონს ვწერ,/ შუაღამე იწვის დნება,/ სიო სარკმლით მონაქროლი,/ ველთა ზღაპარს მეუბნება".
- რას ნიშნავს სიტყვა ბერა?
- ივანიშვილს... არა?
- ეს სიტყვა ცერ თითს ნიშნავს... ჰაეს წინ ქართულ ანბანში რომელი ასოა?
- ასო ბგერა ჯ.
- კოზაკი რისი ნაშიერია?
- კამეჩის.
- არა, აქლემის... ბოლოს რა ფრაზას დაგვიტოვებ?
- რადგან "მე და ღამე" გავიხსენე, საუბარს მისი ბოლო ორი სტრიქონით დავასრულებდი: რა იციან მეგობრებმა,/ თუ რა ნაღველს იტევს გული,/ თუ რა არის მის სიღრმეში/ საუკუნოდ დამარხული...
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
