მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას ამბობენ ექიმები თბილისში გავრცელებულ ახალ, საშიშ ვირუსზე?
02:40 / 05-05-2014
რამდენიმე დღეა, რაც საინფორმაციო საშუალებებსა და სოციალურ ქსელებში გავრცელებულმა ინფორმაციამ საქართველოში ახალი ვირუსის აღმოჩენის თაობაზე, სრულიად საქართველოს მოსახლეობა პანიკაში ჩაგადო. რა ჰქვია ახალ ვირუსს და დაფიქსირებულია თუ არა ანალოგიური შემთხვევა მსოფლიოში, ექვემდებარება თუ არა მკურნალობას და არის თუ არა იმის რეალური საშიშროება, რომ ეს ახალი ვირუსული ინფექცია მართლაც ბიოლოგიურ იარაღად იყოს გამოყენებული?
"კვირის ქრონიკის" კითხვებს პასუხობს დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე.
- საქართველოში აღმოჩენილ და დაფიქსირებულ ახალ ვირუსთან დაკავშირებით მოსახლეობა პანიკაშია, მართლა ღვთის რისხვა დაგვატყდა ქართველებს, თუ...
- არა, არა... ეს არ არის ახალი ამბავი. სხვათა შორის, შარშან დაფიქსირდა ანალოგიური შემთხვევა ახმეტის რაიონში. პირველად ჩავთვალეთ, რომ იყო ჯილეხი, მაგრამ ჩვენი ეს ვარაუდი არ გამართლდა. შემდეგ, ეჭვი ავიღეთ ძროხის ყვავილზე. გავაკეთეთ უამრავი ანალიზი, რაშიც ამერიკის დაავადებათა კონტროლის ცენტრი დაგვეხმარა, გავშიფრეთ ვირუსსი გენეტიკური სტრუქტურა. ანალიზში აღმოჩნდა სრულიად უცნობი ვირუსი - ორთოპოქსვირუსების ჯგუფიდან. აღსანიშნავია, რომ ამ ვირუსულ ჯგუფში შედის ძროხის ყვავილის ვირუსი, მაიმუნის ყვავილის ვირუსი და ა.შ.
- ესე იგი, "ყვავილის" სახელით ცნობილ ვირუსზეა საუბარი?
- არა. საქართველოში აღმოჩენილი შემთხვევა, ორთოპოქსვირუსის ჯგუფის უცნობი, ახალი შტო გამოდგა. რადგან პირველი შემთხვევა შარიშან, ახმეტაში აღმოჩნდა და დაფიქსირდა, ამერიკელმა კოლეგებმა შემოგვთავაზეს, ამ ახლად აღმოჩენილი ვირუსისთვის "ახმეტის ვირუსი" დაგვერქმია.
- გამოდის, რომ წელს, ამ ვირუსით ადამიანების დაინფიცირება საქართველოში პირველი და ერთადერთი შემთხვევა არ ყოფილა...
- დიახ, ამ ვირუსის პირველი შემთხვევა, შარშან, 2013 წლის ზაფხულში დაფიქსირდა.
- მოსახლეობამ ახალი ვირუსის შესახებ მხოლოდ წელს შეიტყო...
- ატლანტაში, სადაც ამერიკის დაავადებათა ცენტრია, წელს, 28 აპრილიდან 1-ლი მაისის ჩათვლით, ყოველწლიური ეპიდემიოულოგიური კონგრესის მიმდინარეობდა. იქ გაკეთდა მოხსენება ქართველი და ამერიკელი სპეციალისტების მიერ შარშანდელ შემთხვევასთან დაკავშირებით. ამ შემთხვევას, ბუნებრივია, ამერიკულ პრესაში საკმაოდ დიდი გამოხმაურება მოჰყვა. ამერიკული პრესიდან რუსულ პრესაში ცუდად ნათარგმნმა - საქართველოში აღმოჩენილი ახალი ვირუსი "ყვავილის ვირუსის" მონათესავე აღმოჩნდაო, გამოიწვია ეს აჟიოტაჟი, რაც დღეს გვაქვს... რადგან საქართველოში ახალაღმოჩენილი ვირუსი ორთოპოქსვირუსების ჯგუფიდანაა, რომელსაც იგივე "ყვავილის" ვირუსით იცნობენ, ამიტომაც ატყდა ხალხში პანიკა. მოსახლეობა, სიტყვა ყვავილმა დააფრთხო. მინდა დაგამშვიდოთ და გითხრათ, რომ "ყვავილი" უკვე 35 წელიწადია, რაც აღმოფხვრილია. მედიცინის მიღწევაა მართლაც, რომ ეს დაავადება სრულად მოისპო და "ყვავილის" ვირუსი ბუნებაში აღარ ცირკულირებს. ბოლო შემთხვევა დაფიქსირდა 1977 წელს და ვაქცინაცია, ამ ვირუსზე, აღარ ტარდება. "ყვავილის" ვირუსი ინახება მსოფლიოს მხოლოდ 2 ლაბორატორიაში ექსპერიმენტებისთვის.
- ახალი ვირუსით წელს დაავადებული პაციენტები როგორ გრძნობენ თავს, ექვემდებარებიან მკურნალობას?
- საბედნიეროდ, ორივე შემთხვევა საკმაოდ მსუბუქად წარიმართა – ორივე პაციენტი გამოჯანმრთელდა. საკვლევად ძალიან საინტერესო აღმოჩნდა ეს შემთხვევა, რადგან ამ ჯგუფის ვირუსი სრულიად სხვა გენეტიკური შტო აღმოჩნდა. წელს დაფიქსირებული შემთხვევები ჯილეხს კლინიკურად ძალიან ჰგავდა. მიმდინარეობს სერიოზული მუშაობა. მივიღეთ გრანტი, რის საფუძველზეც გაგრძელდება დაწყებული კვლევა. პირველი ორი შემთხვევის დროს, ამერიკელი კოლეგები მოგვეხმარნენ, მათ აღმოაჩინეს ვირუსი, მესამე შემთხვევა კი ჩვენ დავაფიქსირეთ, ქართველებმა.
- ახლად აღმოჩენილი ვირუსი ადამიანის სიცოცხლისთვის საფრთხეს წარმოადგენს?
- ხაზი მინდა გავუსვა იმას, რომ საპანიკო არაფერი არ არის. ვირუსი, რომელიც საქართველოში აღმოჩნდა, გადავიდა ძროხიდან ადამიანზე და საკმაოდ მსუბუქი ფორმით. ვიმეორებ, ეს ვირუსი არ გახლავთ ადამიანის სიცოცხლისთვის საშიში. ახალი შემთხვევა ჯერჯერობით არ დაფიქსირებულა. მიმდინარეობს ზედამხედვლეობა. იგეგმება სრეიოზული სამეცნიერო კვლევები ახლო მომავალში, რადგანაც ეს ვირუსი გენეტიკურად ახალი შტამპია.
თამუნა მჭედლიშვილი
გაზეთი "ქრონიკა"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
