ადრიანა ლიმა ქმარს შორდება

ბრაზილიელმა ლამაზმანმა, ადრიანა ლიმამ განქორწინების შესახებ განაცხადა. ლიმა კალათბურთელ მარკო იარიჩს 5-წლიანი თანაცხოვრების შემდეგ შორდება.

"ხანგრძლივი და სერიოზული განხილვის შემდეგ, მე და მარკომ დაშორება გადავწყვიტეთ. ვამაყობთ იმით, რომ ვართ ორი არაჩვეულებრივი გოგონას მშობლები, რომელთა აღზრდასაც ერთად გავაგრძელებთ. მადლობლები ვიქნებით, თუკი პატივისცემით მოეპყრობით ჩვენს პირად ცხოვრებას და სურვილს, დავიწყოთ ცხოვრების ახალი ეტაპი თქვენი ჩარევის გარეშე", - განაცხადა ლიმამ.

შეგახსენებთ, ლიმას და იარიჩს ორი ქალიშვილი ჰყავთ, ოთხი წლის ვალენტინა და 19 თვის სიენა. წყვილმა 2009 წლის 14 თებერვალს საიდუმლოდ იქორწინა.