მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მაკა შალიკაშვილი: "ერთი გამოაგდეს და მეორე როგორ დარჩა, ახლაც ვერ ვხვდები"
05:09 / 02-05-2014
გუშინ "ცეკვავენ ვარსკვლავების" მეოთხე სეზონის საკონკურსო კინოტურში ვარსკვლავებს ცეკვა მაინცდამაინც არ გამოუვიდათ, ყოველ შემთხვევაში, ცეკვის ექსპერტმა გოჩა ჩერტკოევმა ასეთი შეფასება გააკეთა...
თუმცა გუშინ ვიღაცებს მართლა გაუმართლათ: ცეკვა მეტ-ნაკლებად "თიელმა" და თიკა ჯამბურიამ შეძლეს. გაუმართლა კიდევ ორს - ნუგზარ რუხაძესა და გია ჯაჯანიძეს, მათი ხანდაზმულობის მიუხედავად, პროექტში რჩებიან. შოუ გიორგი ნაზღაიძემ დატოვა.
ჩვენ მსახიობ მაკა შალიკაშვილს დავუკავშირდით და მისი მეგობრების - გიორგი ნაზღაიძისა და გია ჯაჯანიძის შესახებ (შოუში მონაწილეობაზე) კომენტარი ვთხოვეთ.
მაკა შალიკაშვილი:
- ჩემი თანაწამყვანები - გიორგი ნაზღაიძე და გია ჯაჯანიძე "ცეკვავენ ვარსკვლავების" მეოთხე სეზონში რომ ჩაერთვნენ, ძალიან გამიხარდა. გია ბედიღბლიანი კაცია, ამის მაგალითი გუშინდელ შოუში კიდევ ერთხელ გვაჩვენა, საწაულად გაძვრა. რა, როგორ გააკეთა, არ ვიცი, მაგრამ ფაქტია, რომ ისევ შოუშია. არადა, ცხოვრებაში არ მიცეკვიაო, - ამბობს, მაგრამ ყოველთვის რაღაცას ახერხებს. ჟიურის წევრების გულის მოგებაც შეძლო: ბატონი ლევანის კეთილგაწყობა დაიმსახურა, ასევე გოჩა ჩერტკოევის გულისმოგებაც გამოუვიდა... ჯაჯუნა მაგარია! ამიტომ აღფრთოვანებული და გახარებული ვარ. ასე რომ, ამის შემდეგ არაფერია გამორიცხული...
- კი, ბატონმა ლევანმა უთხრა, ექსტრასენსი ხარო... ჰოდა, როგორც ჩანს, დახმარებისთვის "მოუხმო" გარე ძალებს და გაძვრა...
- ეს კაცი გამოუცნობი ფენომენია... რაც შეეხება გიორგი ნაზღაიძეს, გული მწყდება, რომ პირველივე ტურში გამოვარდა. არ იყო პროექტიდან გამოსაშვები. ბევრი თაყვანსიმცემელი ჰყავს, უყვართ, თან, ჟიურისაც არ შეუფასებია დაბალი ქულებით, მაგრამ ესეც ბედია, რაც საწყენია.
ისე, მგონია, რომ ამ შოუში ყველაფერი წინ არის. შეიძლება, მონაწილეები ისე გაიხსნან და თავი გაიგიჟონ, რომ ეს შოუ მაგრად "გაფერადდეს". თუმცა გია ჯაჯანიძე ვფიქრობ, რომ პროექტში უკვე ერთ-ერთი მკვეთრი ფერია. მინდა, რომ ისეთი არტისტულობა გამოავლინოს, რომ ყველას პირი დააღებინოს...
- კიდევ გყავს შენი ფავორიტები?
- ძალიან მომწონს თიკა ჯამბურია, მიშა მესხი, ის ჩემია, ძალიან მიყვარს და უნდა გაიმარჯვოს!
- შენ რომ მიგიწვიონ მეხუთე სეზონზე, იცეკვებ?
- "ცეკვავენ ვარსკვლავებში" რომ დამიძახონ, ალბათ დათანხმება გამიჭირდება. ეს ყველაფერი უძნელესად მეჩვენება, მაგრამ იმდენად მომწონს ეს პროექტი, რომ ვნახოთ...
მოკლედ, მაყურებელს და ჟიურის არ აინტერესებს, გიცეკვია თუ არა ოდესმე. შედეგი უნდა დადო, თავი არ უნდა შეირცხვინო. თუ წახვედი შოუში, უნდა იცეკვო!
- ასე რომ, შენი მეგობრებიდან გიას გაუმართლა, გიორგის კი - არა...
- კი, ასეა. არადა, ჯაჯო ხომ სულ იმას ამბობს, - ბებერი ვარო და ისე მსუბუქად აირბენს კიბეზე და ჩამოირბენს, რომ იმის ყურებით მე ვიღლები. გუშინ ფორმაში იყო. ვიმეორებ, გაოცებული ვარ მისი ბედ-იღბლით.
ლალი ფაცია
სპეციალურად "ამები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
