მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ღვინო, ფოტო და აკორდეონი - პრეზიდენტის ადმინისტრაციის ხარჯები
12:45 / 25-04-2014
"ინფორმაცის თავისუფლების განვითარების ინსტიტუტმა" (IDFI) საქართველოს პრეზიდენტის ადმინისტრაციის 2013 წლის ხარჯები გამოაქვეყნა.
საინტერესოა, რომ გასულ წელს, პრეზიდენტის ადმინისტრაციაში პრემიის სახით თანამშრომლებზე 1 მილიონ 796 333 ლარი გასცეს. აღნიშნული თანხიდან ყველაზე დიდი მოცულობის პრემიები (294 310 ლარი) თანამშრომლებზე აგვისტოში გაიცა.
საქართველოს პრეზიდენტის ადმინისტრაციის თანამშრომლებზე გაცემული პრემიებიდან 634 587 ლარი, თანამდებობის პირებმა მიიღეს. ყველაზე დიდი თანხა პრემიის სახით, პრეზიდენტის ადმინისტრაციის უფროსის პირველმა მოადგილემ, ირაკლი ნადირაძემ მიიღო - 56 050 ლარი. მას მცირედით ჩამორჩება ადმინისტრაციის უფროსის ანდრო ბარნოვის მიერ მიღებული პრემია - 49 560 ლარი. პრეზიდენტის პრესსპიკერმა მანანა მანჯგალაძემ კი პრემიის სახით გასულ წელს 44 634 ლარი მიიღო.
როგორც IDFI აღნიშნავს, თანამდებობის პირებზე პრემიების გაცემის ყველაზე მაღალი მაჩვენებლები საპრეზიდენტო არჩევნების წინა პერიოდს ემთხვევა. მაგალითად, პრეზიდენტის ადმინისტრაციის უფროსს, 2013 წლის იანვრიდან მაისამდე პრემია არ მიუღია, ხოლო მაისიდან ნოემბრამდე ყოველთვიურად იღებდა პრემიის სახით ხელფასის ორმაგ ოდენობას - 7080 ლარი.
"ინფორმაციის თავისუფლების განვითარების ინსტიტუტის" მიერ გამოთხოვილი ინფორმაციის თანახმად, 2013 წელს საქართველოს პრეზიდენტის ადმინისტრაციის მიერ გაწეულმა წარმომადგენლობითმა ხარჯებმა 1 340 132 ლარი შეადგინა. აქედან ყველაზე დიდი თანხა ერთჯერადად გადახდილია 2013 წლის 22 იანვარს სუვენირების შეძენაზე - 88 870 ლარი. პრეზიდენტის ადმინისტრაციის მიერ გაწეულ წარმომადგენლობით ხარჯებში, ერთჯერადად გადახდილ ყველაზე დიდ თანხებს შორის, არის აგრეთვე სატრანსპორტო მომსახურების და მგზავრობის ხარჯი - 24 836 ლარი, პრეზიდენტის ტელეეთერით მომსახურება - 20 000 ლარი, ღონისძიებისთვის სასმელის შესყიდვა - 14 043 ლარი.
IDFI - ის მიერ საქართველოს პრეზიდენტის ადმინისტრაციას დამატებით გამოთხოვილი დოკუმენტებიდან ირკვევა, რომ გასულ წელს პრეზიდენტის ადმინისტრაციამ შპს "iphone +"-გან სუვენირის სახით შეისყიდა 100 ცალი Ipod Touch - 42 500 ლარი, 40 ცალი Iphone 4s ღირებულებით 45 960 ლარი და სხვა ტექნიკა.
პრეზიდენტის ადმინისტრაციის გაწეულ წარმომადგენლობით ხარჯებს შორის ხშირად ვხვდებით შემთხვევებს, როდესაც სასაჩუქრედ ერთჯერადად შეძენილია სხვა და სხვა ფირმის მობილური ტელეფონები და სხვა ტექნიკა. მაგალითად მობილური ტელეფონი Iphone 5 ან სულაც აკორდეონი.
იხილეთ სტატიის გაგრძელება
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
