6 რჩევა დილით სწრაფი მაკიაჟის გასაკეთებლად

ყველა ქალს არ აქვს დრო, ყოველდღიურად იკეთოს ზედმიწევნით მაკიაჟი. ვიღაც სამსახურში აგვიანებს, ვიღაც უნივერსიტეტში, ზოგს კი სულაც თვითმფრინავის რეისზე აგვიანდება.

როგორ გავიკეთოთ მინიმალურ დროში უნაკლო მაკიაჟი და ამასთან, კარგად გამოვიყურებოდეთ?

საერთოდ, მაკიაჟის სრულფასოვნად გაკეთებას არაუმეტეს 20 წუთი სჭირდება. მთავარია, ყველაფერი სწორი თანმიმდევრობით გააკეთოთ. მოდი, ვნახოთ რჩევები, რომლებიც მაკიაჟის უფრო სწრაფად გაკეთებაში დაგვეხმარება.

რჩევა #1

იმისათვის, რომ ტონალური კრემი მარტივად და თანაბრად განაწილდეს სახეზე, თავდაპირველად წაისვით კანზე დღის დამატენიანებელი კრემი და დაიცადეთ 5 წუთი. სანამ კანი კრემს შეიწოვს, თქვენ შეგიძლიათ მოითავოთ სხვა დილის საქმეები: დაადგათ ჩაიდანი, გაიუთოოთ კაბა ან ბლუზა, გაასწოროთ საწოლი, ჩაილაგოთ ჩანთაში საჭირო ნივთები ან მოიმზადოთ საუზმე. ამის შემდეგ უპრობლემოდ შეგიძლიათ წაისვათ ტონალური კრემი.

რჩევა #2

იმისათვის, რომ დილით ამაზე დრო არ დაკარგოთ, კოსმეტიკა ძილის წინ მოიმზადეთ. მოიფიქრეთ, როგორ მაკიაჟს გაიკეთებთ დილით, რომელ ჩრდილებსა და პომადას გამოიყენებთ. ეს უამრავ დროს დაგიზოგავთ.

რჩევა #3

თუ ძალიან გეჩქარებათ, დილის მაკიაჟის ყველაზე ოპტიმალური ვარიანტი იქნება, გლუვი კანი, ხშირი წამწამები და მბზინავი ტუჩები. ასეთი სადა მაკიაჟით სადა, მაგრამ ძალიან მომხიბვლელი იერი გექნებათ.

დაიდეთ ტონალური კრემი სახეზე, აიტუშეთ წამწამები და წაისვით ტუჩის მბზინავი საცხი. სხვათა შორის, ასეთი ტუჩსაცხის წასმა თავისუფლად შეგიძლიათ სახლიდან გასვლის წინ ან ლიფტში.

იხილეთ გაგრძელება