მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მიშა მესხი: "ფეხებზე მკიდია, რას იტყვიან, მაკოცონ ერთ ადგილას"
03:12 / 24-04-2014
"ცეკვავენ ვარსკვლავების" ახალი სეზონი "იმედზე" დღეს დაიწყება. ერთ-ერთი კონკურსანტი, ვინც პროექტში გამარჯვებისთვის იბრძოლებს, მსახიობი მიშა მესხია.
- ადვილად დათანხმდი ამ შემოთავაზებას?
- პირველივე სეზონზე მქონდა შემოთავაზება, მაგრამ არ დავთანხმდი. ახლა ხასიათზე მოვედი, მინდოდა ჯანზეც მოვსულიყავი, თავიც გამომეცადა, როგორ ვცეკვავდი, თან საქმეც არ მქონდა და დავთანხმდი ნოეს (ნოე სულაბერიძე, პროექტის პროდუსერი) წინადადებას. მეგობრებმა და ვახო რჩეულიშვილმა დიდი როლი ითამაშეს, ამ წინადადებას რომ დავთანხმებოდი. მე ხომ სულ ახლის ძიებაში ვარ? ფეხბურთიდან დაწყებული, გადაღებებით დამთავრებული. მგონი კარგად ვცეკვავ ცხოვრებაში. როცა საქმეს ხელს ვკიდებ, ასი პროცენტი ვიხარჯები და რა გამოვა, ვნახოთ.
- ია სუხიტაშვილი, როგორც პროექტის გამოცდილი მონაწილე, რა რჩევებს გაძლევს?
- იას არც ეგონა ასე სერიოზულად თუ მივუდგებოდი ამ საქმეს, დღედაღამე ვვარჯიშობ, სახლშიც კი პროექტზე ვფიქრობ. დავაყენებ იას და ერთად ვცეკვავთ. ძალიან მაგარი მეწყვილე მყავს ჯულიანა ბარგნარი. ოქროს გოგოა, ჯიგარი, მისი სახით კარგი მეგობარი შევიძინე. მეხმარება ყველაფერში. წონაში დავიკელი, ვერ ვიმატებ. კუნთებიც დაჭიმული მაქვს, ნუ მატირებთ, ყველაფერი მტკივა.
- რატომ?
- რატომ მეტკინება? ფეხბურთელი ვიყავი და ვვარჯიშობდი, მაგრამ ის კუნთები რომელიც ცეკვის დროს ვარჯიშდება, ატროფირებული მქონდა და ახლა იღვიძებს. ფიზიკური დატვირთვის შედეგად ყველაფერი მტკვა.
- ცეკვა გიყვარს, კლუბში წასულხარ მხოლოდ ცეკვის გამო?
- მე ცნობილი კლაბერი ვიყავი, კლუბს არ "ვმაზავდი". კლუბურ ცეკვებს "საკაიფოდ" ვცეკვავ, როგორც გინდათ ისე ჩამომართვით. ახლა გავიზარდე და აღარ დავდივარ კლუბებში. თუმცა ხანდახან იღვიძებს ახალგაზრდული სული ჩემში და ვფეთქდები. ჩემთან ერთად კლუბები მოკვდა თბილისში, "აჭარა მუზიკ ჰოლი" რომ დაიხურა, კლუბური ცხოვრება მოკვდა საქართველოში. მანდ ვისწავლეთ გართობა და მერე დედა ვუტირეთ ყველაფერს.
- კლუბების გარდა კიდევ რის მიმართ დაგეკარგა ინტერესი?
- ბევრი რამე არ მაინტერესებს ამ ქალაქში. პირველ რიგში ჭორაობა მეზიზღება, ამ ჭორებზეა დამოკიდებული ჩვენი თბილისქალაქი. არავინ არ აკეთებს თავის საქმეს და მხოლოდ ჭორაობს. ამით ცხოვრობენ ადამიანები.
- შენზე რომ ჭორაობენ, ეს განსაკუთრებით გაღიზიანებს ალბათ...
- ფეხებზე მკიდია, ჩემზე რას იტყვიან. ზოგადად ვამბობ, ჩემზე რა უნდა ილაპარაკონ? მაკოცონ ერთ ადგილას.
- პროექტის დაწყების შემდეგ კიდევ უფრო მეტი ჭორების მოსმენა მოგიწევს თუნდაც საკუთარ თავზე, რადგან უფრო მეტად პოპულარული გახდები...
- სიტყვა პოპულარობა მაღიზიანებს. სლაბი ტიპების პონტია. მიშა მესხის შვილიშვილი ვარ და მაგით დამთავრდა ყველაფერი. ყველას უსწორდება ჩემი ფილმები, ვისაც არ მოსწონს, თქვას, არ მეწყინება. პირად ცხოვრებას რაც შეეხება, არ მსიამოვნებს ამაზე ჭორების მოსმენა. მე ია ძალიან მიყვარს, წლოვანებაში როცა ხარ და აზრიანად მოიყვან ცოლს, ის უნდა იყოს შენი მთლიანი ნაწილი. ია ჩემი მთლიანი ნაწილია.
თამარ ბოჭორიშვილი, Ambebi.ge
ასევე დაგაინტერესებთ: "ცეკვავენ ვარსკვლავების" კონკურსანტების ვინაობა ცნობილია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
