მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დავით საგანელიძე ხადურის უწყების გამომზეურებულ სმა-ჭამის ხარჯებზე
06:57 / 22-04-2014
საპარლამენტო უმრავლესობის ლიდერის დავით საგანელიძის აზრით, ფინანსთა სამინისტრომ აზიის განვითარების ბანკის ფორუმის მონაწილეთათვის განკუთვნილი მენიუ მოსალოდნელი აჟიოტაჟის გვერდის ავლის მიზნით გამოაქვეყნა.
როგორც "ინტერპრესნიუსს" საგანელიძემ განუცხადა, "ნორმა და ზომა ყველაფერშია საჭიროა და, თუ რა დევს ქართულ სუფრაზე, გაზეთებით და ტელევიზიებით არ უნდა განიხილებოდეს".
"ზოგიერთი ჟურნალისტის მხრიდან არასერიოზულია საკითხისადმი მიდგომა, თუ რა იდო ბანკეტის სუფრაზე და ა.შ. გარკვეული ნორმები ყოველთვის უნდა იყოს დაცული, მაგრამ ეს აჟიოტაჟის საგანი არ უნდა გახდეს. ჩამოდიან სტუმრები, მათ გამასპინძლება სჭირდება. ასე რომ, ფინანსთა სამინისტრომ ასეთ აჟიოტაჟს რომ აუაროს გვერდი, წინასწარ თქვა, სტუმრებისათვის სუფრაზე რა იქნება", - განაცხადა დავით საგანელიძემ.
ფინანსთა სამინისტრო 23 აპრილისთვის დაგეგმილი აზიის განვითარების ბანკის სახელმწიფო ვალის მართვის რეგიონული ფორუმის ოფიციალური მიღების მენიუს აქვეყნებს.
ფინანსთა სამინისტრო დაინტერესებულ მხარეებს სთავაზობს, საკუთარი შეხედულებისამებრ შეიტანონ მასში შესწორებები. როგორც სამინისტროში განმარტავენ, მენიუს გამოქვეყნების გადაწყვეტილება მიღებულია გამომდინარე იქიდან, რომ მიზანმიმართულად არ მთავრდება საუბარი ფინანსთა სამინისტროს მიერ გაწეული წარმომადგენლობითი ხარჯების თაობაზე.
მენიუ 120 კაცზე (ერთი პორციის ფასი): 1. კიტრისა და პომიდვრის სალათი - 3 ლარი; 2. ქათმის სალათი - 3.50 ლარი; 3. სალათი "ოლივიე" – 4.00 ლარი; 4. ქათმის ღვიძლის სალათი - 5.30 ლარი; 5. ბადრიჯანი ნიგვზით - 4.50 ლარი; 6. ყველის ასორტი - 7 ლარი; 7. ნადუღი სულგუნში - 4.00 ლარი; 8. მწნილის ასორტი - 4.00 ლარი; 9. ზეთისხილი - 2.00 ლარი; 10. ხბოს მწვადი - 12.00 ლარი; 11. საქონლის ხორცის წვნიანი (ოსტრი) - 7.50 ლარი; 12. ქათმის ღვიძლი კეცზე - 3.50 ლარი; 13. შემწვარი კარტოფილი (გლეხურად) – 3.50 ლარი; 14. სოკო კეცზე - 5.00 ლარი; 15. ხორცის ბლინები - 4.00 ლარი; 16. ლობიო ქოთანში ნიგვზით - 4.50 ლარი; 17. შემწვარი კალმახი - 6.00 ლარი; 18. თევზი ქინძმარში - 13.00 ლარი; 19. შემწვარი ქათამი - 17.50 ლარი; 20. იმერული ხაჭაპური - 6.50 ლარი; 21. პური - 0.75 ლარი; 22. მჭადი - 1.00 ლარი; 23. ლიმონათი - 1.50 ლარი; 24. ბორჯომი - 1.40 ლარი; 25. ღვინო "წარაფი" – 1ლ - 4.50 ლარი.
ყოველწლიური შეხვედრის ფარგლებში, ოფიციალური ღონისძიებების გარდა,საქართველოს ფინანსთა სამინისტრო ქართული კულტურის წარმოსაჩენად და 120 სტუმრის პატივსაცემად, გეგმავს ანსამბლ "რუსთავის" მოწვევას და ოფიციალური მიღების გამართვას.
"მენიუს ვარიანტი გამოქვეყნებულია ფინანსთა სამინისტროს ვებ-გვერდზე www.mof.ge, აგრეთვე, ფინანსთა სამინისტროს Facebook-ის ოფიციალურ გვერდზე.
ასევე იხილეთ:
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
