მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ილია მეორე - ქართველ ადამიანს ურჩევნია, თვითონ დაჩაგროს თავისი თავი, ვიდრე სხვა
06:28 / 17-04-2014
ქართველი ხალხის რწმენას ვერანაირი სხვა ძალა ვერ შეცვლის, - ამის შესახებ სრულიად საქართველოს კათოლიკოს-პატრიარქმა, წუმინდესმა და უნეტარესმა, ილია მეორემ დღეს ყოვლადწმინდა სამების ტაძარში წირვის დასრულების შემდეგ, ქადაგებისას ბრძანა.
პატრიარქმა სამებაში დიდი ხუთშაბათის დღესასწაულთან დაკავშირებით ფეხთბანვის წესი აღასრულა, რომლის დროსაც 12 მღვდელთმსახურს ფეხი დაბანა.
ფეხთბანის წესის შემდეგ პატრიარქმა მრევლს ქადაგებით მიმართა და თავმდაბლობისა და სიწმინდის მნიშვნელობაზე ისაუბრა, რომლითაც ადამიანი უფლის მადლის მიმღები ხდება.
"ღვთის წყალობა და მადლი მიდის იმ ადამიანზე, რომელსაც აქვს თავმდაბლობა, მორჩილება, სიწმინდე, სარწმუნოება. ქართველი ადამიანი ოდითგანვე ფიქრობს და ცდილობს, შეინარჩუნოს სარწმუნოება მტკიცედ. ქართველი ადამიანი არავის არ ჩაგრავს. ქართველ ადამიანს ურჩევნია, თვითონ დაჩაგროს თავისი თავი, ვიდრე - სხვა. უნდა გვახსოვდეს, რომ სიწმინდეს, სარწმუნოებას, რომელიც ჩვენ გაქვს, რომლითაც ცხოვრობდა და ცხოვრობს ქართველი ხალხი, ვერავინ ვერ შეცვლის, ვერავითარი სხვა რწმენა. სარწმუნოება მოდის ღვთისაგან და ეფინება ადამიანს. ჩვენ ვმადლობთ უფალს, რომ ეს სარწმუნოება დღემდე გვაქვს და გვექნება კიდევ. ჯვარი გეწეროთ. ღმერთმა მოგცეთ მადლი და წყალობა. ღმერთმა ბედნიერი აღდგომა გაუთენოს მთელს საქართველოს. ამინ", - ბრძანა ქადაგებისას პატრიარქმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
