მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბავშვებმაც უნდა იცოდნენ, ვინ და რატომ მოკლა სანდრო გირგვლიანი! - ინტერვიუ სკანდალური საბავშვო კითხვარის ავტორთან
02:56 / 14-04-2014
წიგნი - "კითხვარები მოაზროვნეთათვის". გვერდი - 53, კითხვა - "რომელი პოლიტიკოსის მეუღლესთან არის დაკავშირებული სანდრო გირგვლიანის მკვლელობა?" სავარაუდო პასუხები - A. "დავით ბაქრაძის; B. ბაჩანა ახალაიას; C. ვანო მერაბიშვილის; D. გივი თარგამაძის". წიგნის ავტორი და გამომცემელი თემურ აბაშიძეა. ეს წიგნი სკოლის მოსწავლეთათვის კლასგარეშე კითხვარს წარმოადგენს და მე-5-8 კლასელებისათვის არის განკუთვნილი.
"ასავალ-დასავალი" წიგნის ავტორს, თემურ აბაშიძეს ესაუბრა:
- ჩემს წიგნში ეს შეკითხვა იმიტომ შევიტანე, რომ სანდრო გირგვლიანის მკვლელობა საქართველოს უახლესი ისტორიის ნაწილია. ყველას კარგად გვახსოვს, ამ მკვლელობას იმხელა სახალხო მღელვარება მოჰყვა, ლამის ქვეყანა ჩამოიშალა.
დიახ, უნდა თუ არა ეს რომელიმე პოლიტიკურ პარტიას, გირგვლიანის მკვლელობა უკვე ჩაიწერა საქართველოს უახლეს ისტორიაში და არამარტო ჩაიწერა, მნიშვნელოვანი ადგილიც დაიკავა.
ვის აქვს უფლება, ვინმეს, მათ შორის ბავშვებს, საქართველოს უახლესი ისტორიის მნიშვნელოვანი მომენტების ცოდნა აუკრძალოს?
- ზოგიერთების გაღიზიანება, ალბათ, იმან გამოიწვია, რომ შეკითხვაში წინა ხელისუფლების მაღალი პერსონები ფიგურირებენ...
- მე ამ შეკითხვით არც არავისთვის დამიდია ბრალი და არც ვინმეს მსამჯულად გამოვსულვარ. დიახ, შეკითხვა მაქსიმალურად ნეიტრალურად არის ფორმირებული და არავის უდანაშაულობის პრეზუმფციას არ არღვევს. მე არ დამისვამს კითხვა - ვინ მოკლა გირგვლიანი? მე დავსვი კითხვა - ვისთან არის დაკავშირებული გირგვლიანის მკვლელობა? ასე რომ, აქ სასკანდალო არაფერია.
ზოგიერთი საინფორმცაიო სააგენტოს "ნიუსში" ისიც კი ამოვიკითხე, რომ, თურმე, მე ვყოფილვარ "ქართული ოცნების" იარაღი ნაციონალური მოძრაობის წინააღმდეგ! პირდაპირ ვაცხადებ - არავის იარაღი არ ვყოფილვარ, არ ვარ და არც ვიქნები, პოლიტიკა რომ მდომოდა, 2000 წელს ბატონმა ზურაბ ჟვანიამ სერიოზული პოლიტიკური ასპარეზი შემომთავაზა, მაგრამ მოკრძალებით უარი ვუთხარი.
კიდევ ვიმეორებ - სანდრო გირგვლიანის მკვლელობა ვიღაცისათვის თუ პოლიტიკაა, მე ეს არ მაინტერესებს, ჩემთვის ეს არის ისტორიული ფაქტი და ვთვლი, რომ ბავშვებს სრული უფლება აქვთ, წარმოდგენა ჰქონდეთ საქართველოს უახლეს ისტორიაზე!
ძვირფასო მკითხველო, სანდრო გირგვლიანის მკვლელობა საქართველოს უახლეს ისტორიაში მომხდარი ერთ-ერთი ყველაზე საზარელი დანაშაულია, რომელიც ჩაიდინეს არა რიგითმა კრიმინალებმა და შარაგზის ყაჩაღებმა, არამედ სახელმწიფო ხელისუფლების მაღალი თანამდებობის პირებმა.
ხოლო იმაში, რომ სანდრო გირგვლიანის საქმეზე სამართლიანი სასამართლო არ შემდგარიყო და მართლმსაჯულება არ განხორციელებულიყო, ჩართული იყო უშუალოდ ქვეყნის პრეზიდენტი სააკაშვილი, რაც დამტკიცებული და ბეჭედდასმულია ადამიანის უფლებათა ევროპული სასამართლოს მიერ.
ასე რომ, უნდა ეს ვინმეს თუ არა, სანდრო გირგვლიანის მკვლელობა საქართველოს უახლეს ისტორიაში ერთ-ერთი საკვანძო ფაქტია, რომელიც გარკვეული დროის გასვლის შემდეგ არათუ კლასგარეშე წიგნებში მოხვდება, არამედ აუცილებლად იქნება შეტანილი საქართველოს ისტორიის სასკოლო სახელმძღვანელოებში.
დიახ, როცა დაიწერება 21-ე საუკუნის საქართველოს მართალი და ობიექტური ისტორია, იქ აუცილებლად იქნება განხილული და შეფასებული სააკაშვილის 9-წლიანი მმართველობა, ხოლო ამ მმართველობის შეფასებისას სანდრო გირგვლიანის მკვლელობას ვერცერთი მემატიანე, თუ იგი სვიმონ მასხარაშვილივით დოქსოპულო არ არის, გვერდს ვერ აუვლის!
დიახ, ბავშვებმაც უნდა იცოდნენ, ვინ და რატომ მოკლა სანდრო გირგვლიანი! უნდა იცოდნენ თუნდაც იმიტომ, რომ მომავალში თავადვე არ დაუშვან ქვეყანაში მსგავსი ტრაგედიების განმეორება! დიახ, ეს პოლიტიკა არ არის! ეს საქართველოს ისტორიაა!
ჯაბა ხუბუა
გაზეთი "ასავალ-დასავალი"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
