პოლიციის დღე 6 მაისს აღარ აღინიშნება

პოლიციის დღე 6 მაისის ნაცვლად 30 მაისს აღინიშნება. საქართველოს პრეზიდენტმა გიორგი მარგველაშვილმა უკვე გამოსცა ბრძანებულება "პოლიციელის დღის დაწესების შესახებ" საქართველოს პრეზიდენტის 2010 წლის 29 აპრილის №263 ბრძანებულების ძალადაკარგულად გამოცხადების შესახებ". აღნიშნული განკარგულების პროექტი განსახილველად და მოწონების მიზნით დღეს მთავრობის სხდომაზე გადის.

გარდა ამისა, დღევანდელ სხდომაზე განიხილავენ საქართველოს მთავრობის დადგენილების პროექტს "საქართველოს შინაგან საქმეთა სამინისტროს დებულების დამტკიცების შესახებ" საქართველოს მთავრობის 2013 წლის 13 დეკემბრის №337 დადგენილებაში ცვლილების შეტანის თაობაზე. აღნიშნული ცვლილებების თანახმად, პოლიციის დღე განსაზღვრული იქნება სწორედ სამინისტროს დებულებით. ამასთან, როგორც "ინტერპრესნიუსმა" გაარკვია, პოლიციის დღე, 6 მაისის ნაცვლად, 30 მაისი იქნება.

"ინტერპრესნიუსი"