მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აბანოში თუ იუშჩენკოს ნაცვლად სხვა კაცმა იბანავა, უნდა გამოვიძიოთ - ირინე იმერლიშვილი ექს-პრეზიდენტის სკანდალად ქცეულ ბანაობაზე
08:51 / 12-04-2014
უკრაინის ყოფილი პრეზიდენტის, ვიქტორ იუშჩენკოს პრესმდივანმა 2011 წელს, ექს-პრეზიდენტის საქართველოში ვიზიტისას გოგირდის აბანოში დახარჯულ 591 ლართან დაკავშირებით კომენტარი გააკეთა, რომელიც გავრცელებული ინფორმაციის მიხედვით, საქართველოს სახელმწიფო დაცვის სპეციალურმა სამსახურმა დაფარა. პრეს-მდივნის თქმით, ვიქტორ იუშჩენკო 2011 წლის 6 აპრილს არ იმყოფებოდა საქართველოში და ის მთელი დღის განმავლობაში კიევში, საკუთარი პარტიის ოფისში მუშაობდა. გარდა ამისა პრეს-სპიკერი ამბობს, რომ იუშჩენკო მზადაა, რომ საქართველოს დახმარების სახით გადასცეს ის 400 დოლარი, რომელიც, სავარაუდოდ, მიხეილ სააკაშვილის დაცვამ გადაიხადა.
ამ განცხადების საპასუხოდ ირინე იმერლიშვილი, რომელიც პარლამენტში საპროცედურო და წესების კომიტეტის თავმჯდომარის თანამდებობას იკავებს, აცხადებს, რომ "საქმე ბოლომდეა მისაყვანი". მისი თქმით, გამოძიებით უნდა დადგინდეს თუ აბანოში არა იუშჩენკომ, არამედ სხვა კაცმა იბანავა.
"თუ საუბარია, რომ იმ დღეს აბანოში იუშჩენკო არ ყოფილა და სხვა კაცმა იბანავა, რაშიც სახელმწიფო დაცვის სპეციალური სამსახურის ფულია გადახდილი, ესეც გამოსაძიებელია. მივადევნებ თვალყურს, რომ შესაბამისმა ორგანოებმა ბოლომდე მიიყვანონ საქმის გამოძიება არა მხოლოდ ამ ნაწილში, არამედ ბევრ ნაწილში", - აცხადებს იმერლიშვილი.
შეგახსენებთ, რომ ფაქტს იმის შესახებ, რომ N5 აბანოში უკრაინის პრეზიდენტი ვიქტორ იუშჩენკო იმყოფებოდა, შპს "ნარიყალაში" ადასტურებენ. გავრცელდა აბანოს დირექტორის, ლუიზა გოგოლაძის განცხადებაც, რომელშიც ამბობს, რომ იუშენკო გოგირდის აბანოში 2-3 წლის წინ ნამდვილად იმყოფებოდა.
"ნამდვილად იმყოფებოდა უკრაინის პრეზიდენტი ჩვენს აბანოში. ის ვიპ აბანოში იყო შესული. ეს დაახლოებით 2-3 წლის წინ მოხდა, ზუსტი თარიღი არ მახსოვს. უნდა ვთქვა, რომ ძალიან მოეწონა ჩვენი მომსახურება, მიირთვა ჩაი, ასევე გაუკეთდა მასაჟი და სხვადასხვა სახის პროცედურებიც. ძალიან კმაყოფილი წავიდა", - განაცხადა გოგოძემ.
ამასთან, როგორც ადმინისტრაციაში აცხადებენ, ის თანამშრომლები, რომლებიც იუშჩენკოს მოემსახურნენ, ამჟამად სხვაგან მუშაობენ.
გოგირდის აბანოში იუშჩენკოს სტუმრობის ფაქტი სახელმწიფო დაცვის სპეციალური სამსახურის ბიუჯეტის ხარჯების ამსახველი მასალებით დასტურდება. სამსახურის არამიზნობრივი ხარჯების შესახებ ინფორმაცია და დოკუმენტაცია დეპუტატმა ირინა იმერლიშვილმა გამოაქვეყნა. დეპუტატი აღნიშნავს, რომ ყველა ეს ხარჯი ფარულ ხარჯებშია გატარებული და მას დღემდე გრიფი "საიდუმლო"ედო.
გამოქვეყნებული სალაროს შემოსავლის ორდერის მიხედვით, იუშჩენკოს აბანოს მომსახურებაში სულ 591 ლარია დახარჯული. ორდერი 2011 წლის 6 აპრილს არის გაცემული.
ინვოისის მიხედვით, მომსახურება 7 ადამიანზე იყო გაწერილი და მასში შედიოდა თაფლის მასაჟი, სამი ჩაიდანი ჩაი მურაბით, 6 მინერალური და 6 სასმელი წყალი, 7 საპონი, 7 შამპუნი და 7 წყვილი ჩუსტი. ინვოისს ხელს აწერს შპს "ნარიყალას" დირექტორი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
