მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
განათლების სამინისტრო #53-ე სკოლის მშობლების სატელეფონო ზარების ჩანაწერებს აქვეყნებს
11:36 / 10-04-2014
განათლებისა და მეცნიერების სამინისტრო ავრცელებს ვიდეოკადრებს და ცხელ ხაზზე დაფიქსირებულ მშობლების ჩანაწერებს, სადაც ისინი #53-ე სკოლაში სასწავლო პროცესის აღდგენას მოითხოვენ. სამინისტროს განცხადებით, აღნიშნული ჩანაწერები ცხადყოფს, რომ სახეზეა, თუ როგორ იმართება #53-ე საჯარო სკოლაში არსებული სიტუაცია გარკვეული ჯგუფების მიერ.
"კადრებში ნათლად ჩანს გათავისუფლებული დირექტორის მოადგილე, შორენა ნოდარიშვილი-გამყრელიძე, რომელიც სასწავლო პროცესის მიმდინარეობაზე ნაკისრი პასუხისმგებლობის მიუხედავად, მიზანმიმართულად შლიდა გაკვეთილებს. ვიდეოში ასახულია, თუ როგორ უშლიდნენ ხელს გაფიცული მასწავლებლები იმ პედაგოგს, რომლებსაც სურდათ გაკვეთილის ჩატარება. ადგილი ჰქონდა ასევე სიტყვიერ შეურაცხყოფას. ყოფილი დირექტორის, მარიამ რამინაშვილის და, ლიკა რამინაშვილი ორგანიზებას უწევდა #53-ე სკოლის წინ დღეს გამართულ აქციას, უზრუნველყოფილი იყო გაფიცული მოსწავლეებისთვის წარწერიანი მაისურები და საკვები.
მთელი დღის განმავლობაში საქართველოს განათლებისა და მეცნიერების სამინისტროს ცხელ ხაზზე რეკავდნენ #53-ე საჯარო სკოლის ბავშვების მშობლები, რომლებიც გვთხოვენ დროულად უზრუნველვყოთ სკოლაში სასწავლო პროცესის განახლება.
განათლებისა და მეცნიერების სამინისტრო კიდევ ერთხელ განმარტავს, რომ საქართველოს კონსტიტუციის 35-ე მუხლითა და "ზოგადი განათლების შესახებ" საქართველოს კანონის მე-9 მუხლით აღიარებული და დაცულია ნებისმიერი პირის მიერ ზოგადი განათლების მიღების უფლება. სხვადასხვა ტიპის ფაქტორი, რომელიც უარყოფით ზეგავლენას ახდენს სასწავლო პროცესზე არღვევს პირის უფლებას, მიიღოს ზოგადი განათლება. ამდენად, სასწავლო პროცესის ხელოვნურად ჩაშლა გულისხმობს საქართველოს მოქმედი კანონმდებლობის დარღვევას, რაც იწვევს შესაბამის პასუხისმგებლობას", - აღნიშნულია განცხადებაში.
#53-ე სკოლის ეზოში მოსწავლეებისა და პედაგოგების საპროტესტო აქცია მესამე სასწავლო დღეა მიმდინარეობს. შესაბამისად, სასწავლო პროცესი შეჩერებულია. აქციის მონაწილეები, სკოლის ყოფილი დირექტორის, მარიამ რამინაშვილის თანამდებობაზე აღდგენას და სამინისტროსა და სკოლის პედაგოგებს შორის მედიატორის დანიშვნას ითხოვენ. სკოლაში დღეს, ახლად დანიშნული დირექტორი ეკა გახარია მივიდა, თუმცა, აქციის მონაწილეებმა იგი შენობაში არ შეუშვეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
