მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მასწავლებლებო, ჯერ თქვენ უნდა გქონდეთ წაკითხული ის, რაზეც ბავშვებს თემის დაწერას სთხოვთ" - ნათია ფანჯიკიძე
05:18 / 09-04-2014
თავდაცვის მინისტრის მეუღლე, ფსიქოლოგი ნათია ფანჯიკიძე ქართველ პედაგოგებს უპასუხისმგებლობაში ადანაშაულებს. ფსიქოლოგი ambebi.ge-ზე გამოქვეყნებულ მასალას ეხმაურება, რომელიც 147-ე სკოლაში მომხდარ სკანდალს ეძღვნება. ქალაქ თბილისის 147-ე სკოლის VI კლასის ერთ-ერთი მოსწავლისთვის კლასგარეშე საკითხავად გადაცემულ წიგნში ორალური სექსი და ჰომოსექსუალური სცენები დეტალურად იყო აღწერილი. ბავშვებს წიგნები პროექტის - "ვისაუბროთ წიგნებზე" ფარგლებში გადასცეს.
"ჩემი დიშვილები პატარები რომ იყვნენ, ქალაქში სიმკაცრით და კატეგორიულობით სახელგანთქმული პედიატრი ყავდა ჩემს დას. "ჯერ თქვენ გასინჯეთ ბავშვს რას აჭმევთო," ისეთი ტონით ამბობდა, ცოტა გვეშინოდა კიდეც. თვეების რომ იყვნენ ჩემი შვილები, "პეჩენიას" ხილის ფაფაში ვუფშვნიდი და შეუხედავ მასას ვიღებდი, განსკაუთრებით ხილი რომ დაიჟანგებოდა, სალაფავს გავდა. პედიატრის სიტყვები გამართლებასავით მქონდა, - იმ ბნელ 90-იანებში ყველას გვშიოდა და სიამოვნებით ვსინჯავდი ამ, ახლა რომ მკითხოთ, ათქვეფილ საძაგლობას და ერთი სულიც მქონდა, ჭამა დროზე დაემთავრებინათ, ცოტა რამე მორჩენოდათ, რომ თეფში ბოლო ნამცეცამდე ამესუფთავებინა.
მასწავლებლებო, ჯერ თქვენ უნდა გქონდეთ წაკითხული ის, რაზეც ბავშვებს თემის დაწერას სთხოვთ. წესია ასეთი.
ირაკლის სამსახურის გამო ორჯერ ვცხოვრობდით აშშ-ში; ვაშინგტონში ჩართული ტელევიზორის არასდროს არ შემშინებია, რომ ბავშვები შემთხვევით ასაკისთვის შეუფერებელ სცენას ნახავდნენ, - კოცნაც კი ამოჭრილი იყო და ოდნავ სისხლიანი სცენაც. ნიუ იორკში უკვე დიდები იყვნენ და ხელი მომაწერინეს თანხმობაზე, რომ სამედიცინო ინფორმაციას მიაწვდიდნენ სქესობრივი გზით გადამდებ დაავადებებზე და მსგავს საკითხებზე. კლასგარეშე ლიტერატურა კი, რაც სკოლამ შეურჩია, იყო მხოლოდ კლასიკა.
ბავშვს ჯერ "სამი გოჭი" რომ არა აქვს წაკითხული, იქნებ არ ჩაგვეგდო შოკში არც მისი ფსიქიკა და არც ფიზიოლოგია?
ევროკავშირისთვის მადლობის მეტი რა გვეთქმის, თუ ჩვენი შვილების განათლებაში ფული დახარჯა. დანარჩენზე თავი თვითონ უნდა შევიწუხოთ, რომ წასაკითხი წიგნების ქრონოლოგია სწორად იყოს დაგეგმილი და შერჩეული. რამდენი ასე გამოყოფილი თანხა გვაქვს უჭკუოდ და მავნებლურადაც კი დახარჯული და ჩვენი გულგრილობის და არაპროფესიონალიზმის გამო ეს საწყალი ევროკავშირიც მადლობის მაგივრად გინებას იმსახურებს", - წერს ნათია ფანჯიკიძე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
