ირაკლი ალასანია - ვინც ჩვენი ჯარის წინააღმდეგ ცრუ ინფორმაციებს ავრცელებს, მას დიარეა და ფაღარათი ტვინში აქვს
ვინც ჩვენი ჯარის წინააღმდეგ ცრუ ინფორმაციებს ავრცელებს, მას დიარეა და ფაღარათი ტვინში აქვს, - ასე პასუხობს თავდაცვის მინისტრი ირაკლი ალასანია ჯარისკაცებში დიარეის ხშირი პრობლემის შესახებ გავრცელებულ ინფორმაციას და მოთხოვნას, სამხედროთა კვების მიზნით თავდაცვის სამინისტრომ ახალი და უფრო გამჭვირვალე ტენდერები ჩაატაროს.
როგორც ალასანიამ "რუსთავი 2"-ის გადაცემა "არჩევანში" განაცხადა, ამ ტიპის განცხადებების ავტორებს არ აწყობთ საქართველოს შეიარაღებული ძალები იყოს იმ სიმაღლეზე, რაზეც დღესაა.
"მსუბუქი დიარეა, ცხოვრებაში ერთხელ მაინც ალბათ, თქვენც გქონიათ და ნებისმიერ ადამიანს, რომელიც გვისმენს. ეს არ ნიშნავს იმას, რომ მთელს საზოგადოებას და მთელს საქართველოს ეს პრობლემა აქვს. გეტყვით რაშია საქმე - ვინც ასე მიზანმიმართულად ავრცელებს ჩვენი ჯარის წინააღმდეგ ცრუ ინფორმაციებს, რომ ჯარი არ არის მზად, არ არის ნაკვები, არ არის აღჭურვილი, ესაა რა თქმა უნდა, იმ ხალხის გაკეთებული, ვისაც დიარეა და ფაღარათი ტვინში აქვს, იმიტომ, რომ მათ არ აწყობთ რომ ჩვენი ჯარი, ჩვენი შეიარღებული ძალები იყოს იმ სიმაღლეზე რაზეც დღეს არის", - აღნიშნა ალასანიამ.
რაც შეეხება ტენდერებს, მინისტრის განმარტებით, მის უწყებაში 2012 წლის არჩევნების შემდეგ ყველა ტენდერი კანონთან სრული შესაბამისობით ტარდება. "ნატომ ამ კუთხით ჩვენი გამჭვირვალობა სამაგალითოდ შეაფასა და ყრუ და ბრმა უნდა იყო, რომ ეს ვერ დაინახო", - დასძინა ირაკლი ალასანიამ.
"ტელეფონი დავამტვრიე, ჩემები რომ დამირეკავდნენ, რუსს არ ეთქვა: აქ ბევრი მკვდარია, თქვენ რომელი გინდათო..." - შინდისის ბრძოლას გადარჩენილის ნაამბობი
83 წლის მამაკაცი, რომელიც კახეთში პოლიციელებს თავს დაესხა, გირაოს სანაცვლოდ გათავისუფლდა
