29
ივნისიდღის ზოგადი ასტროლოგიური პროგნოზი
"დუმილის დარღვევა ამ სისულელისთვის არ ღირდა, სიჩუმე უფრო შვენის", - ეს არის ეკა ხერხეულიძის პასუხი საქართველოს შინაგან საქმეთა მინისტრს, ალექსანდრე ჭიკაიძეს იმ ინტერვიუს საპასუხოდ, რომელშიც შს მინისტრი ქვეყანაში მოსალოდნელ დესტაბილიზაციაზე საუბრობს. მინისტრის თქმით, "ნაციონალური მოძრაობა" ქვეყანაში არეულობას გეგმავს.
ჭიკაიძე:
"მათ ("ნაციონალებმა") ჩამოიყვანეს უკრაინიდან ევრომაიდანის აქტივისტები, ატარებენ ტრენინგებს და მოსამზადებელ სამუშაოებს. ეს ინფორმაცია მედიაშიც მუსირებს. მათ საფარქვეშ ჰყავთ რამდენიმე არასამთავრობო ორგანიზაცია, რომლებიც აქტიურად მუშაობენ იმაზე, როგორ გამოიყვანონ ხალხი ქუჩაში, მოხდეს არეულობა, შემდეგ ისევ მათმა ხალხმა ესროლოს ვინმეს და ეს დაჰბრალდეს ხელისუფლებას. იგეგმება, რომ გაშალონ კარვები, სადაც 300-400 კაცის მობილიზებას მოახდენენ". (იხილეთ ინტერვიუს ვრცელი ვერსია)
რაც შეეხება "ნაციონალების" ლიდერების რეაქციას შს მინისტრის ამ ხმაურიან განცხადებებზე, გიორგი ბარამიძე მედიასთან კატეგორიულად უარყოფს ჭიკაიძის მიერ ნათქვამს და აცხადებს, რომ "ნაციონალური მოძრაობა" არასოდეს მიიღებს არანაირ შეიარაღებულ პროცესებში მონაწილეობას.
მინისტრის ნათქვამს სისულელეს უწოდებს ეკა ხერხეულიძე, რაც შეეხება გოგა ხაჩიძეს, ის Facebook-ზე წერს, რომ ჯერ ვერ მოიფიქრა, რა თქვას ჭიკაიძეზე.
Facebook/ გოგა ხაჩიძე, "ერთიანი ნაციონალური მოძრაობა"
@ერთიანი ნაციონალური მოძრაობა,
თუ მართლა მაიდანს ამზადებთ და მე დღემდე არაფერი გამიგია, შეგირცხვეთ ნამუსი, თუ არა და...
... ამ ჭიკაიძეზე რა ვთქვა, ვერ მოვიფიქრე.
არანაკლებ მწვავეა ჭიკაიძის მისამართით გაკეთებული განცხადება, რომელიც პავლე კუბლაშვილს ეკუთვნის. საპარლამენტო უმცირესობის ერთ-ერთი ლიდერი ამბობს, რომ ამ განცხადებებით "ალექსანდრე ჭიკაიძე ცდილობს, ვიღაცას მოაჩვენოს, რომ მართლა მინისტრია".
შს მინისტრის ინტერვიუსთან დაკავშირებით უკვე გაკეთდა განცხადება საქართველოს საგარეო საქმეთა სამინისტროშიც. როგორც საგარეო საქმეთა მინისტრის მოადგილემ, დავით ჯალაღანიამ მედიასთან განაცხადა, საქართველოს საგარეო საქმეთა სამინისტრო არ ფლობს ინფორმაციას, თითქოს "ნაციონალური მოძრაობა" მაიდანის სცენარის განმეორებას გეგმავს".
