5
ივნისიდღის ზოგადი ასტროლოგიური პროგნოზი
"ნაციონალური მოძრაობის" ერთ-ერთი ლიდერის, დავით დარჩიაშვილის განცხადებით, მაიდნებს აწყობს არა ოპოზიცია, არამედ ხელისუფლება.
ასე პასუხობს დარჩიაშვილი შინაგან საქმეთა მინისტრის ალექსანდრე ჭიკაიძის განცხადებას "ერთიანი ნაციონალური მოძრაობის" მხრიდან ქვეყანაში დესტაბილიზაციის შექმნისა და საქართველოში ევრომაიდნის სცენარის გამეორების შესახებ.
"როცა შინაგან საქმეთა მინისტრის დონე არის ესეთი, ეს სახელმწიფოს მმართველობის სერიოზული პრობლემაა. პირველ რიგში ვიტყვი, რომ გატარებული რეფორმების შემდეგ, პირველი შემთხვევა, როცა შს მინისტრი კვლავ ფორმიანი პოლიციელი გახდა. ეს კახა თარგამაძის შემდეგ არ ყოფილა. შევარდნაძის მმართველობის ბოლო პერიოდშიც დაფიქრდნენ და დაიწყეს სამოქალაქო მინისტრების დანიშვნა. ახლა რიგითი ოპერატიული მუშაკი კვლავ მინისტრი გახდა, შესაბამისია მისი განცხადებები და მისი ანალიზის ჰორიზონტი – სად ოპერატიული მუშაკი და სად პოლიტიკა. რაც შეეხება მისი განცხადების შინაარს, ამასთან დაკავშირებით გეტყვით, რომ მაიდნებს აწყობს არა ოპოზიცია, არამედ ხელისუფლება. თუ ხელისუფლება ისეთს იზამს, რაც საზოგადოებისთვის მიუღებელი იქნება, ეს იმას ნიშნავს, რომ თავად აწყობს მაიდანს, აქ ოპოზიცია არაფერ შუაშია", - განუცხადა "ინტერპრესნიუსს" დავით დარჩიაშვილმა.
ამასთან, როგორც დარჩაიშვილმა განაცხადა, "ნაციონალური მოძრაობა" წინასაარჩევნო კამპანიის ფარგლებში გეგმავს შეკრებებს, გამოსვლებს, რაშიც მისი თქმით, უკანონო არაფერია.
