თბილისის ქუჩები, რომლებსაც ხვალ წყალმომარაგება შეუწყდება
წიწამურის ხევში VI მაგისტრალურ წყალდენზე გამაგრებითი სამუშაოების ჩატარების გამო თბილისის ზოგიერთ ქუჩას წყალმომარაგება შეუწყდება. როგორც "ინტერპრესნიუსს" კომპანია "ჯორჯიან უოთერ ენდ ფაუერიდან" აცნობეს, კომპანია ხვალ მაგისტრალური არტერიის წიწამურის ხევში გამავალ მონაკვეთზე გამაგრებითი სამუშაოების განხორციელებას გეგმავს, რაც აუცილებელი ტექნიკური ღონისძიებაა მაგისტრალური მილის საიმედოობის გაზრდისთვის.
1400 მმ-იან VI მაგისტრალურ წყალდენზე გამაგრებითი სამუშაოების ჩატარების მიზნით, 3 აპრილის 11:00 საათიდან 4 აპრილის 07:00 საათამდე წყალმომარაგება შეუწყდება: ანდრონიკაშვილის, ლიბანის, ბარისახოს, გაგრის, ბიჭვინთის, სკოლის, მანაგაძის, ბაღნარის, ფოცხიშვილისა და მიხაკო წერეთლის ქუჩებს; მუხიანის ყოფილ "სამხედრო დასახლებას", გლდანულას, კონიაკისა და გაზის დასახლებებს; სოფლებს: გლდანს, გიორგიწმინდასა და პატარა გლდანის ნაწილს; გლდანის მასივის III-ა, IV, V, VI, VII, VIII მ/რაიონებს და თემქის III მ/რაიონს; სასჯელაღსრულების დეპარტამენტის გლდანის #8 საპატიმროს, ქარხანა "ჰაიდელბერგცემენტს".
ზემოთ ჩამოთვლილ დასახლებებსა და ქუჩებს წყალმომარაგება ეტაპობრივად, ტექნიკური სამუშაოების დასრულებისთანავე, 4 აპრილის 07:00 საათიდან აღუდგებათ. შესაბამისად, 4 აპრილის 11:00 საათისთვის წყალს ყველა ქუჩა და დასახლება შეუფერხებლად მიიღებს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
