20
ივნისიდღის ზოგადი ასტროლოგიური პროგნოზი
ცოტა ხნის წინ გავრცელდა პოლიტრეპრესირებული რამაზ გაგნიძეს ინტერვიუ, სადაც ის რეპერ ლექსენს ბინის წართმევაში ადანაშაულებს, ის წერს: მომღერალი ლექ-სენი დღეს ჩემს დაკარგულ ბინაში ცხოვრობს. ერთ დღეს ოფიციალურად დამიბარეს სოსო თოფურიძესთან და იქ პირადად თოფურიძემ და კუდ-ის ერთ-ერთმა მაღალჩინოსანმა მითხრეს, ლექს-სენი არის ჩვენი აგენტი და ეს კაცი იქნება შენს ბინაშიო! ეს ადამიანი აწარმოებდა ჩემს საწინააღმდეგო მთელ რიგ პროცესებს! ლექს-სენმა "ნაციონალების" ფულით იყიდა ჩემი ბინა, რომელსაც მე მართმევდნენ". ჩვენ დავუკავშირდით რეპერს და კომენტარი ვთხოვეთ:
- ეს პიროვნება არის თაღლითი და ხულიგანი. მის მიერ აშენებულ კორპუსში მე მქონდა ბინა ნაყიდი, მაგრამ მან ჩემი და ჩემი მეზობლების მიცემულ ფული "შეჭამა" და ყველა მშრალზე დაგვტოვა. ვუჩივლეთ, მაგრამ სამწუხაროდ არ დაიჭირეს და ეს ყველაფერი შერჩა. მას დღემდე ჩვენი ვალი აქვს. როგორც ჩანს, ახლა ასეთი ფორმით, ასეთი სისულელეების ტირაჟირებით ცდილობს ხალხის მოტყუებას. რამაზ გაგნიძე ჩვეულებრივი თაღლითია და ის გარეთ არ უნდა იყოს.
- გაგნიძე ამბობს, რომ სოსო თოფურიძის კაბინეტში დაიბარეს და შეგახვედრეს, სადაც მას უთხრეს, რომ იყავით კუდ-ის აგენტი და თქვენთვის უნდა დაეთმო ბინა..
- რა შეიძლება ასეთ მარაზმზე და სისულელეზე ვთქვა?! თუ კუდ-ში დაიბარეს, რაც მაგას ნაკეთები ჰქონდა, იმის გამო ხომ დაიჭერდნენ კიდეც? მე ძალიან ბევრ გავლენიან ადამიანს ვიცნობდი და შევხვედრივარ კიდეც, მათ შორის სოსო თოფურიძესაც, მაგრამ ეს რამაზ გაგნიძესთან კავშირში ნამდვილად არაა. თუ მაგათი აგენტი ვიყავი, წინა ხელისუფლებასთან კონფლიქტი რატომ მქონდა?!
- რატომ გქონდათ კონფლიქტი?
- როცა დავინახე, რომ კრიმინალს ხელს აფარებდნენ, არ იჭერდნენ თაღლითებს, მივხვდი, რომ ეს იყო ძალიან ცუდი და სწორედ ამიტომ გამიფუჭდა წინა ხელისუფლებასთან ურთიერთობა. სამწუხაროდ დღესაც იგივეს ვამჩნევ და ეს ძალიან ცუდია.
