მამა გაბრიელის წმინდა ნაწილები სამთავროს დედათა მონასტერშია დასვენებული
მამა გაბრიელის წმინდა ნაწილები მცხეთაში მდებარე სამთავროს დედათა მონასტერშია დასვენებული. ამჟამად ადგილზე სასულიერო პირები და მომლოცველები იმყოფებიან. მრევლის ნაწილი მამა გაბრიელის წმინდა ნაწილებს თბილისიდან მიაცილებდა, ნაწილი კი მის მონასტერში გადაბრძანებას ადგილზე ელოდებოდა.
მამა გაბრიელის წმინდა ნაწილები მცხეთაში ტრანსპორტით გადააბრძანეს, მცხეთის ხიდიდან კი მონასტერში ხელით მიაბრძანეს.
მამა გაბრიელის წმინდა ნაწილები სამების საკათედრო ტაძრიდან 17:00 საათზე გამოაბრძანეს. ცერემონიას სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე ესწრებოდა. სამებაში წესრიგს ჯარისკაცები იცავდნენ.
მამა გაბრიელის საფლავი 22 თებერვალს გახსნეს. ღირსი მამის ნეშტი სამთავროს დედათა მონასტრის ფერიცვალების ტაძარში გადაასვენეს, სადაც სასულიერო პირებმა პარაკლისი გადაიხადეს. ამის შემდეგ მამა გაბრიელის წმინდა ნაწილები სამთავროს ფერიცვალების ტაძრიდან სვეტიცხოვლის საკათედრო ტაძარში გადაასვენეს, სადაც მოგვიანებით უწმინდესი მიბრძანდა, რომელმაც წმინდა ნაწილები მოილოცა. სიწმინდის მოლოცვის საშუალება სვეტიცხოველში მრევლსაც ჰქონდა. 24 თებერვლიდან კი წმინდანის სხეული სამების ტაძარში იყო დაბრძანებული.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
