20
ივლისიდღის ზოგადი ასტროლოგიური პროგნოზი
თბილისში მიწისქვეშა გადასასვლელები საკმაოდ ბევრია, თუმცა ფეხით მოსიარულეები გადასვლა-გადმოსვლისას მაინც საავტომობილო გზით სარგებლობენ და თავს საფრთხეში იგდებენ. ისე, რაღა ავტომანქანებს მოუკლიხარ და რაღა მიწისქვეშა გადასასვლელებში გამეფებულ ანტისანიტარიას.
პირველი, რასაცა მიწისქვეშა გადასასვლელში ჩასული გრძნობ, საშინელი სუნია. თუმცა ჯერ ვერაფერს ხედავ - იქ სიბნელეა. თუმცა სჯობს არ დაინახო - შარდის გუბეები, ბოთლები, კონდომები, დასვრილი ქაღალდები. თან არ უნდა დაგავიწყდეს, რომ შენ ქალაქის ცენტრში, რუსთაველზე, სასტუმრო "რედისონის" წინ მდებარე მიწისქვეშა გადასასვლელში იმყოფები. თუ რუსთაველზე სხვა მიწისქვეშებში ჩახვალ, ნახავ, რომ სიტუაცია განსხვავებულია, მაგრამ არც თუ ისე ძალიან. ანტისანიტარია, მძაფრი სუნი და შარდის გუბეები(ვიდეო კონტროლი არ აშინებთ მათ, ვისაც მიწისქვეშა გადასასვლელი საპირფარეშო ჰგონია) ყველა მიწისქვეშა გადასასვლელს აერთიანებს. თითქმის ყველა გადასასვლელში ჩამოდის წყალი, სიბინძურე, აბლაბუდები, წარწერები და ჩამოხეული პლაკატებია.
ბევრ გადასასვლელში სავაჭრო ობიექტებსაც შეხვდებით, ასეთებში სიტუაცია ოდნავ მოწესრიგებულია, თუმცა მიწისქვეშა გადასასვლელების მთავარ მახასიათებლებს, სიბინძურებს, ეს ადგილებიც არ ღალატობენ.
თუმცა" ჩემპიონი" გმირთა მოედანზე მდებარე მიწისქვეშა გადასასვლელია, რომელიც თბილისში ერთ-ერთი დიდია. სანიაღვრეები ნაგვით არის გამოტენილი. მიწისქვეშაში პატარა ოთახიც არის, რომელიც საპირფარეშოს ფუნქციას მშვენივრად ითავსებს. აქვე, გრაფიტის გვერდით უწმაწური წარწერები შეგიძლიათ ამოიკითხოთ :" ბო..ს შვილიშვილი ვიყო" და ა.შ. ისე, რომელიღაც მიწისქვეშაში ამოვიკითხე წარწერა Art isn't crime - ვეთანხმები წარწერას, გრაფიტი მეც ძალიან მომწონს, თუმცა რაც თბილისში მდებარე მიწისქვესა გადასასვლელებში ხდება Art-ს სრულებითაც არ ჰგავს.
სჯობს, თითოეულ ასეთი გადასასვლელს გავუკეთოთ წარწერა: "ფრთხილად! ინფექციის ბუდე!"
ელენე ცინცაძე, Ambebi.ge
