ქართველი იუმორისტის ეროტიულ-კრიმინალური და სარკასტული საპირველაპრილო ხუმრობა (+18)

1 აპრილი - დღე, როდესაც მსოფლიოს მასშტაბით არაერთ ქვეყანაში "კეთილი ხუმრობების" დღეს აღნიშნავენ. ზოგის ხუმრობა სულელური, ზოგის ბრიყვული, ზოგის კი სარკასტულია...

ჩვენი ყურადღება ცნობილი იუმორისტის, ბაკურ სვანაძის საპირველაპრილო ხომრობამ მიიპყრო, რომელიც მან სოციალურ ქსელ Facebook-ზე გამოაქვეყნა და ტექსტის სარკასტულობის გამო მოწონებაც დაიმსახურა.

Facebook/ ბაკურ სვანაძე, იუმორისტი:

წაიკითხეთ აუცილებლად ბოლომდე!

ამ პოსტს ვწერ საავადმყოფოდან !

სასტიკად ნაცემი!

არ ვიცი როგორ დამთავრდება ეს ამბავი, ამიტომ მერე რომ არ დაიწყონ ვიღაცეებმა სხვადასხვა მოგონილი ვ ე რ ს ი ე ბ ი ს გავრცელება, მე თვითონ საჯაროდ მოვყვები რა როგორ იყო:

მოკლედ, ნახევარი საათის წინ ვიღაცამ დამირეკა (ნომერი დაფქსირებული მაქვს) მთხოვა რაღაც საქმეზე სასწრაფოდ შეხვედრა. მივედი სადაც დამიბარეს იქ.

ველოდებოდი. ამ დროს ნელი სვლით გაიარა მანქანამ. ფანჯარა ჩაწეული ჰქონდათ. რომ დამინახეს, დაიძახეს - "აუ, ეს ის არ არის ფეისბუქზე ნ ა ც ი ო ნ ა ლ ე ბ ი ს მისამართით დამცინავ პოსტებს რომ დებს და ყოველთვის გვლანძღავს, მოდი ჭკუა ვასწავლოთო!"

სანამ აზრზე მოვიდოდი გადმოხტნენ და ცემა დამიწყეს. წამაქციეს და წიხლებით შემდგნენ...

ამ დროს გამოიარა სხვა მანქანამ. რომ დაინახეს რომ ადამიანს ცემდნენ, გადმოხტნენ და ატეხეს ყვირილი - "რატომ ცემთ, ვინა ხართო?". ვინც მცემდა იმათ შეეშინდათ და გაიქცნენ.

ჩემი გადამრჩენლები მოვიდნენ ჩემთან და სახეზე სისხლი რომ მომწმინდეს ერთმა დაიძახა - "ბიჭო, ეს ის არ არის თავის ფეისბუქის კედელზე სულ ახლანდელ მ თ ა ვ რ ო ბ ა ს რომ აკრიტიკებს, ჩვენს შეფებს დაცინის და მასხრად იგდებსო? მსუბუქად უცემიათ იმ ვიღაცეებს, ეს მეტის ღირსია, მოდი დავუმატოთო" და გამიფინეს წიხლებქვეშ...

უკვე გონებას ვკარგავდი... უცებ გავიგონე - "რას აკეთებთ, როგორ შეიძლება ადამიანზე ძალადობა, მაგის უფლებას არ მოგცემთო!" - ვინც მცემდა იმათ შეეშინდათ და გაიქცნენ. ესენი, ვინც გადამარჩინა, ოთხი თუ ხუთი კაცი იყო თუ ქალი კარგად ვერ გავარჩიე... მოვიდნენ, წამომაყენეს, ერთმა მობილური ამოიღო და სასწრაფოში დარეკვას აპირებდა. მობილურის ეკრანის შუქზე სახეზე შემომხედა და აყვირდა - "ძმებო! თუ დებო! თუ ვინცა ხართ, ეს ის არ არის პირში აღებას რომ გვიკრძალავსო? ლ ი ბ ე რ ა ლ ე ბ ს რო ეკაიფება ხოლმე და ფეისბუქზე რომ მოუწოდებს ხალხს პირში არავინ არაფერი აიღოთო? მოდი ახლა ამას ჩვენებურად ჭკუა ვასწავლოთო!"

ამ სიტყვებით მეცნენ, ჩამხადეს შარვალი, სამმა ფეხები დამიკავა, რომ არ გავქცეულიყავი ან არ დავმჯდარიყავი, ორმა ჩემს წინ დაიჩოქა და შეეცადნენ ძალადობით ჩემგან აე...თ პირში!

მე ყველანაირად ვუწევდი წინააღმდეგობას... და იმდენად დაბნეული ვიყავი, რომ რაღა მექნა არ ვიცოდი...

ამ დროს მომესმა ხმა - "ღვთისშვილები არა ხართ? რას უკეთებთ მაგ ადამიანს თქვე გარყვნილებო?"

და მერე იქვე ვიღაცას გასძახა - "მომაწოდე ერთი ეგ ტაბურეტკა, ამათ ვასწავლი ჭკუასო!"

მოძალადეებს შეეშინდათ, მაგრამ არ გაქცეულან, რაღაცნაირად ნაზად მიეფარნენ თვალს...

მოვიხიბლე კიდეც...

ჩემმა გადამრჩენლებმა შარვალი ამიწიეს, ქამარი შემიკრეს, შემომხედეს და...

"ვაიმე, ღმერთო ჩემო! ეს ხომ ის არის თავის ფეისბუქის კედელზე მუდამ რომ მ ა რ თ ლ მ ა დ ი დ ე ბ ლ ე ბ ზ ე ღადაობს, გაიძახის ქორწინებამდე ქალიშვილობას შეინარჩუნებ თუ არა, მაგას დიდი მნიშვნელობა არ აქვსო! დაშალეთ ტაბურეტკა და გააკეთეთ ჯვარი, ჯვარზე უნდა ვაცვათ ესო!"

მეცნენ, გამიკავეს ხელ-ფეხი, დაშლილი ტაბურეტკისგან ჯვარი შეკრეს და ზურგით ზედ მიმაყუდეს... ერთი ლურსმნების მოსატანად გაიქცა ელიავაზე...

მე ამ პაუზით ვისარგებლე და აღმომხდა:

"ღმერთო! რა ყველა ტიპის და მიმართულების გიჟი მე გადამეკიდა, რა დავაშავე ამის ფასი"-მეთქი?

უცებ მეშვიდასე თუ მეცხრაასე სართულზე ფანჯარა გაიღო, ღმერთმა გადმოიხედა, თვალი ჩამიკრა, გამიღიმა და მიპასუხა:

"კაი, ხო, გეხუმრე, დღეს პირველი აპრილიაო!" და დაამატა:- "ისე, ვინმესკენ მაინც იყავი შე კაცო, ყველას რომ აკრიტიკებ, ემანდ არ აგიხდეს ეს სიზმარიო..."

გამომეღვიძა...

საათს დავხედე...

ზუსტად 24 საათი და 01 წუთია!

ანუ უკვე დღეს პ ი რ ვ ე ლ ი ა პ რ ი ლ ი ა!

ხალხის მ ო ტ ყ უ ე ბ ა უკვე არც ისე ა დ ვ ი ლ ი ა, მაგრამ გაზაფხული უკვე ძალას იკრებს და ყველას სულ დადებით განწყობას, ნაკლებ უტვინოსთან შეხებას და ბევრ ღიმილს გისურვებთ!

მარად თქვენი

ბ ა კ უ რ  ს ვ ა ნ ი ძ ე