მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ ესარჩლებიან სოციალურ ქსელში მწერალს, რომელსაც სოსო ჯაჭვლიანმა ფალოსი უწოდა
09:31 / 26-03-2014
მას შემდეგ, რაც ცნობილი გახდა, რომ დიდ ბრიტანეთში საქართველოს ელჩად მმართველი გუნდი მწერალ ზურაბ ქარუმიძის კანდიდატურას განიხილავს, რასაც დეპუტატ სოსო ჯაჭვლიანის მხრიდან მისი მისამართით უხამსი განცხადებები მოჰყვა, მწერალს სოციალურ ქსელში დამცველები გამოუჩდნენ.
პაატა ქურდაძე, მწერალი და დოკუმენტალისტი:
"წინადადება შემომაქვს ბრიტანეთში საქართველოს ელჩად ზურაბ ქარუმიძის ნაცვლად სოსო ჯაჭვლიანის დანიშვნა მოვითხოვოთ. რაც არ უნდა იყოს მართველი კოალიციის ერთ-ერთი გამორჩეული სახეა...
ჯაჭვლიანზე არანაკლებად ვმდგარვარ იქ, სადაც საჭირო ვყოფილვარ და მაგაზე არანაკლებ ადამიანს დავხმარებივარ, მაგრამ არავისთვის არც დამიყვედრებია, და არც ამდენის უფლება მიმიცია ჩემი თავისთვის საჯაროდ თვეში ერთხელ პირი ამემყრალებინა. ეს სენტიმეტალური შეფასებები მისი პატიოსნების შესახებ ჩემზე არანაირ შთაბეჭდილებას არ ახდენს, მე თვითონ პატიოსანი კაცი გახლავართ. თუკი ვინმე თვლის, რომ საქართველოს უმაღლესი საკანონმდებლო ორგანოს, დემკოკრატიის მექის წრმომადგენელი თავისივე გუნდის მიერ წარდგენილ ქვეყნის ელჩობის კანდიდატს, ამ ლექსიკით უნდა მოიხსენებდეს, ეს მისი პრობლემაა, მე კი ვთვლი, რომ ასეთ კაცის ადგილი არავითარ შემთხვეაშ არ არის პარლამენტში, ის მხოლოდ თავისი გუნდის და ქართლი სახელმწიფოს დისკრედიტაციას ეწევა".
მალხაზ ხარბედია, მწერალი:
"ჩემი სოლიდარობა და ძმური გამხნევება ზურაბ ქარუმიძეს! მაგარ მწერალს და ძმას!"
გიორგი კეკელიძე, პოეტი; ეროვნული ბიბლიოთეკის გენერალური დირექტორი:
"ელექტრონული ბიბლიოთეკა lib.ge უერთდება საქართველოს პენ-ცენტრის განცხადებას და მიიჩნევს: სრულიად დაუშვებელია, მხატვრული ტექსტიდან, თან კონტექსტიდან ამოგლეჯილი ფრაზებით მწერლების დისკრედიტაცია. ჩვენ ვართ სიტყვის და გამოხატვის თავისუფლების მომხრე, მაგრამ დაუშვებლად მიგვაჩნია, რომ სახელმწიფო სტრუქტურა ითვალისწინებდეს ცილისწამებაზე აგებულ პასკვილებს. ელექტორნული ბიბლიოთეკა და მე, მისი დამფუძნებელი - გიორგი კეკელიძე სოლიდარობას ვუცხადებთ მწერალ ზურაბ ქარუმიძეს".
შეგახსენებთ, რამდენიმე დღის წინ მწერალი ზურაბ ქარუმიძე საკუთარი რომანის - "მელია-ტულეფია" გამო გააკრიტიკეს - თითქოსდა ქარუმიძემ თავისი ტექსტით სვანურ ტრადიციას და ზოგადად სვანებს მიაყენა შეურაცხყოფა. ქარუმიძეს ღიად დაუპირისპირდა დეპუტატი სოსო ჯაჭვლიანი. ჯაჭვლიანმა ეს რომანი სვანეთის შეურაცხყოფად შეაფასა და ქარუმიძის შესაძლო ელჩობა დიდ ბრიტანეთში ასე გააპროტესტა: "ქარუმიძეს ყოველ მეორე სიტყვაზე ფალოსი აკერია პირზე, ეტყობა, თვითონაც გაფალოსდა და ფალოსს შეიძლება რამეზე ვეკამათო? ქარუმიძე არის ფალოსი და ჩემი ეს შეფასება გადამოწმებას არ ექვემდებარება"..
ორიოდე დღის წინ კი პარლამენტის იურიდიული კომიტეტის სხდომაზე მოქალაქე გიორგი ხასაია შეიპარა და სანამ დეპუტატები "გონს მოეგებოდნენ" ამ რომანიდან სკაბრეზული, უცენზური სიტყვებით გაჯერებული ციტატა წაიკითხა.
მწერლის გარშემო ხმაურის ატეხვის შემდეგ, ელჩის პოსტზე ქარუმიძის კანდიდატურის წარდგენის შესახებ კომენატრი გააკეთა საგარეო საქმეთა მინისტრმა მაია ფანჯიკიძემ.
როგორც ჟურნალისტებს მაია ფანჯიკიძემ განუცხადა, ეს არის სამუშაო პროცესი და საბოლოო გადაწყვეტილება მიღებული არ არის. "ჩვენ ბატონი ზურაბის კანდიდატურას, რომელსაც მე ძალიან დიდ პატივს ვცემ და ძალიან ვაფასებ, განვიხილავთ, მაგრამ ეს გადაწყვეტილება მიღებული არ არის და მისი არანაირი წარდგინება არსად გადაგზავნილი არ არის", - აღნიშნა მინისტრმა.
მისივე თქმით, ეს არის სამუშაო პროცესი, რომლის დამთავრებამდე საუბარი, არა მხოლოდ საქართველოს ინტერესებიდან გამომდინარე, არამედ ორმხრივი ინტერესებიდან გამომდინარეც არ არის მიზანშეწონილი.
"სხვათა შორის ელჩის კანდიდატურები პარლამენტს აღარ ეგზავნება. ელჩის კანდიდატურა საქართველოს საგარეო საქმეთა მინისტრის მიერ ეგზავნება საქართველოს მთავრობას, გადის მთავრობაზე და მის დანიშვნას შემდეგ ხელს აწერს პრეზიდენტი. ეს კი ამ შემთხვევაში ჯერ არ მომხდარა. ასე რომ, ეს აჟიოტაჟი არაჯანსაღია", - განაცხადა მაია ფანჯიკიძემ.
იხილეთ ასევე: ზურაბ ქარუმიძის პირველი კომენტარი მის გარშემო ატეხილ სკანდალზე
როგორ წამოიწყო სოსო ჯაჭვლიანმა "ფალოსის სკანდალი" - დეპუტატის უხამსი ინტერვიუ
თინა ხიდაშელი ზურაბ ქარუმიძის ირგვლივ ატეხილ სკანდალზე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
