კახეთის გზატკეცილზე, აეროპორტის ხიდებთან ძლიერი ხანძარია

თბილისში, კახეთის გზატკეცილზე, აეროპორტის ხიდებთან ხანძარია. პირველადი ინფორმაციით, ცეცხლი აღნიშნულ ტერიტორიაზე განთავსებულ საწყობებს გაუჩნდა. ერთ-ერთი ცნობით კი, ცეცხლი სტამბა "შარავანდს" უკიდია.

როგორც "ინტერპრესნიუსს" შინაგან საქმეთა სამინისტროს საგანგებო სიტუაციების მართვის სააგენტოში განუცხადეს, ადგილზე მობილიზებული არიან სახანძრო-სამაშველო ბრიგადები და ხანძრის ლოკალიზებისთვის აქტიური სამუშაოები მიმდინარეობს. მათივე განცხადებით, ამ ეტაპზე დაშავებულების შესახებ ინფორმაცია არ ვრცელდება.