ავარია რუსთაველზე: შეჯახების შედეგად "მარშრუტკა" ამობრუნდა

დაახლოებით ერთი საათის წინ, რუსთაველის გამზირზე ავარია მოხდა. არსებული ინფორმაცით, ერთმანეთს დიდი სისწრაფით მოძრავი ტაქსი და სამგზავრო მიკროავტობუსი შეეჯახა.

ერთ-ერთი თვითმხილველის, ვახო ბერძენიშვილის ინფორმაციით, ყველა მგზავრი უვნებლად გადარჩა. თვითმხილველი შემთხვევის ადგილიდან კადრებსაც ავრცელებს.

ადგილზე მობილიზებული იყო საპატრულო და სამაშველო სამსახურები. მაშველებმა "მარშრუტკის" მგზავრები ფანჯრებიდან ამოიყვანეს.

შსს-ს ინფორმაციით, საავადმყოფოში ერთი მგზავრია გადაყვანილი მსუბუქი დაზიანებით. საქმე 276-ე მუხლის პირველი ნაწილით აღიძრა, რაც ტრანსპორტით მოძრაობის და ექსპლუატაციის წესის დარღვევას გულისხმობს.

ფოტო ფეისბუქიდან: ავტორი Emilio Castello