მნიშვნელოვანი ინფორმაცია
23
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩქარა აშენებდა, არ ამიკრძალონ და ბევრი მოვასწროვო" - რას ჰყვებიან სპორტის სასახლესთან ჩამონგრეულ შენობაზე ადგილობრივი მაცხოვრებლები
07:14 / 06-07-2015
განახლება| აფაქიძის ქუჩაზე ნგრევის შედეგად დაღუპული ერთ-ერთი ახალგაზრდა 18 წლის იყო
თბილისში სპორტის სასახლის უკან გამოთვლითი მატემატიკის ინსტიტუტის ყოფილი შენობის ნაწილის ჩამონგრევის შედეგად ობიექტზე მომუშავე ოთხი ადამიანი დაიღუპა. სამი ადგილზე გარდაიცვალა, მეოთხე მუშა კი საავადმყოში (კადრები შემთხვევის ადგილიდან)
როგორც Ambebi.ge-ს სპორტის სასახლის უკან მდებარე აფაქიძის ქუჩის მაცხოვრებლებმა უთხრეს, მშენებლობა უკანონოდ მიმდინარეობდა და მათ მიერ შეტანილ განცხადებებზე მშენებლობის შეჩერებასთან დაკავშირებით, მერია უარით ისტუმრებდა (თვითმხილველები ტრაგედიაზე)
"ძალიან ბევრს ვაფრთხილებდი და ძალიან ბევრს ვიბრძოდი, არქიტექტურის სამსახურიც გავაფრთხილე, ზედამხედველობის სამსახურიც, მერთანაც შევედი, მაგრამ ყურად არ იღეს. მერს წერილი გადავეცი, სადაც წერია, რომ ეს მშენებლობა საფრთხის შემცველია და ყველას უფლება ირღვევა. საჩივარი პირველ ივნისს შევიტანე, ზედამხედველობის სამსახური კი 26 ივნისს მობრძანდა, მანამდე იმ ადამიანმა სამი სართული ააშენა, საძირკველი ამოთხარა და ეს ბიჭები მუშაობით დახოცა.
მშენებლების სიხარბეს საზღვარი არ აქვს, გვერდით სასტუმრო რომ ჩააშენა ჯერ იმის მშენებლობით მოგვკლა და შეგვავიწროვა, ახლა ზედ ფანჯარაზე მაშენებენ შენობას. ზედამხედველობის სამსახურმა გვითხრა, რომ სასამართლოში უნდა იჩივლოთო. ახლა ჩქარა აშენებდა, არიქა, არ ამიკრძალონ და ბევრი მოვასწროვო, მშენებლობის სიღორეს საზღვარი არ აქვს", - ამბობს ჩვენთან საუბარში ადგილობრივი მაცხოვრებელი ნინო ურუშაძე.
მისივე თქმით, მოსახლეობა პერმამენტულად შეიკრიბება, სანამ დამაკმაყოფილებელ პასუხს არ მიიღებენ.
"იმ დაღუპული ბიჭების სახელზე ააშენონ ეკლესია და გააკეთონ სკვერი, კორტები, ბასეინი, რაც თავის დროზე იყო გათვლილი. ვაფრთხილებდით, რომ შენობა დარღვევებით შენდებოდა, მაგრამ ყურად არავინ იღო".
ერთ-ერთი მაცხოვრებლის თქმით, შენობა უკანონოდ შენდებოდა. მისივე თქმით, მოსახლეობა ინსტიტუტის სკოლად გადაკეთებას ითხოვდა."საწყალი ბიჭები ჩამოსულები იყვნენ ქალაქში და ოჯახის სარჩენად მუშაობდნენ, სულ ახალგაზრდები იყვნენ. ისე სწრაფად აშენებდნენ, სახურავი უკვე ახდილი იყო და ზედ სართულები უნდა დაშენებულიყო. სინამდვილეში მოსახლეობა ინსტიტუტის სკოლად გადაკეთებას ითხოვდა, ამ ტერიტორიაზე სკოლა არ არსებობს. გვერდით რაც ახალი კორპუსები და სასტუმროებია, ყველაფერი ამ კომპანიამ ააშენა. მოსახლებას არავინ აქცევს ყურადღებას. ყველაფერი მაგათია და ახლა ეს აკადემიაც დაითრიეს.
ჩვენ როგორც ვიცით, ესეც სასტუმრო და კაზინო უნდა ყოფილიყო. ორმოცი ძირი ხე სულ მოჭრეს. ტერიტორია უგულავას დროს უკანონოდ გაიყიდა და სანამ მშენებლობა დაიწყებოდა მერიაში საჩივარი მანამდე შევიტანეთ, პასუხი კი მოვიდა რომ ჩვენი კომპეტენცია არ არისო. დილას 7 საათზე უკვე ამსხვრევდნენ ყველაფერს და ხალხი წუხდებოდა, მერიაში განცხადება მეორედაც შევიტანეთ, მაგრამ შევეშვით, აზრი აღარ ჰქონდა. ინსტიტუტში მყოფი მეცნიერები სულ ძალით გამოყარეს, ყველაფერი გასდიოდათ და ახლაც გასდით", - ამბობს აფაქიძის ქუჩის მაცხოვრებელი.
როგორც ინსტიტუტთან გაკრულ აბრაზეა მითითებული, ადგილზე 6 სართულიან სოფისე შენობას შპს "ტიფლის ბიზნეს ცენტრი" აშენებს, ნებართვის გამცემი კი მერიის არქიტექტურის სამსახურია.
თაკო ესებუა
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ დავიკლოთ წონაში სტრესის გარეშე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
