ერთი გარდაცვლილი, ერთი მძიმედ დაშავებული და ორი გადარჩენილი: ორ-საათიანი სამაშველო ოპერაციის დეტალები და აფეთქების გარემოებები გლდანში

გლდანის მეორე მიკრორაიონის 25-ე კორპუსში სამაშველო სამუშაოები ამ დროისთვის დასრულებულია. როგორც "ინტერპრესნიუსს" საგანგებო სიტუაციების მართვის სააგენტოს თბილისის მთავარი სამმართველოს უფროსის მოადგილე დავით გელაშვილმა განუცხადა , სამაშველო სამუშაოების ფარგლებში აღნიშნული საცხოვრებელი კორპუსიდან საერთო ჯამში 4 ადგილობრივი მცხოვრების გამოყვანა მოხდა.

მისივე ინფორმაციით, ოთხი პირიდან ერთი მამაკაცი საავადმყოფოშია გადაყვანილი. 65 წლის ქალი გარდაიცვალა, ორ პირს კი ჰოსპიტალიზაცია არ დასჭირდა.

"აფეთქების შესახებ საგანგებოს სიტუაციების მართვის სააგენტოში შეტყობინება 7:30 საათზე შემოვიდა. შემთხვევის ადგილზე მობილიზებული იყო აღნიშული სამსახურის სახანძრო-სამაშველო დანაყოფები. ადგილზე მისვლის მომენტში დაფიქსირდა, რომ აფეთქდა შენობის მე-8 და მე-9 სართლები.

მეცხრე სართულიდან დაშავებული პირი უვნებლად იქნა გამოყვანილი და მოხდა მისი სამედიცინო დაწესებულებაში გადაყვანა. ასევე მერვე სართულის აივნიდან გადმოვიყვანეთ კიდევ ორი ადამიანი. რაც შეეხება მეოთხე პირს, სამწუხაროდ აფეთქება დასრულდა მსხვერპლით და გარდაცვლილია მერვე სართულზე მცხოვრები 65 წლის ქალი.სამაშველო სამუშაოები 2 საათი მიმდინარეობდა და მა ეტაპისთვის დასრულებულია", - განაცხადა საგანგებო სიტუაცისბის მათვის სააგენტოს თბილისის მთავარი სამმართველოს უფროსის მოადგილე დავით გელაშვილმა.

ტრაგედიის ყველა დეტალი იხილეთ თეგზე #აფეთქება გლდანში