გლდანში აფეთქების შედეგად მძიმედ დაშავებულის გადარჩენას ცდილობენ - მამაკაცის მდგომარეობა მძიმეა
გლდანში მომხდარი აფეთქების შედეგად მამაკაცი დაშავდა, რომელიც საავადმყოფოშია გადაყვანილი. როგორც "ინტერპრესნიუსს" შემთხვევის ადგილზე სასწრაფო-სამედიცინო სამსახურის წარმომადგენლებმა განუცხადეს, მისი ჯანმრთელობის მდგომარეობა მძიმეა.
"ამ დროისთვის საავადმყოფოში გადაყვანილია ერთი მამაკაცი, რომლის მდგომარეობაც მძიმეა. მისი ჰოსპიტალიზაცია ქირურგიის ცენტრში მოხდა, თუმცა მანამდე ექიმები მეცხრე სართულზე სამაშველო ამწის მეშვეობით ავიდნენ და დაშავებულს პირველადი დახმარება ადგილზე აღმოუჩინეს", - განაცხადეს სასწრაფო დახმარების სამსახურის წარმომადგენლებმა.
მათივე განმარტებით, დაშავებული მამაკაცი იმ სახლში ცხოვრობდა, სადაც აფეთქება მოხდა. ადგილზე საპატრულო პოლიციის და სამაშველო სამსახურის ეკიპაჟებია მობილიზებული.
აფეთქება გლდანის მე-2 მიკრორაიონის 25-ე კორპუსში დღეს დილით მოხდა. წინასწარი ინფორმაციით, აფეთქება ბუნებრივმა აირმა გამოიწვია.
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
