გარემოვაჭრე ქალის მკვლელობის შესახებ ახალი დეტალებია ცნობილი - ვინ და რა ვითარებაში აღმოაჩინა გარდაცვლილი

გარდაცვლილი გარემოვაჭრე ლელა ავლოხაშვილი თბილისში ნაქირავებ ბინაში ცხოვრობდა. როგორც "ინტერპრესნიუსის" კორესპონდენტი იუწყება, ვაგზლის მოედანზე მყოფი გარემოვაჭრეები ყვებიან, რომ ის წუხელ ჯერ გაქურდეს, შემდეგ კი - გაგუდეს.

"მისული ვიყავი და ვნახე, რომ სახის მარჯვენა მხარე გაწითლებული ჰქონდა. ბაზრობაზე დღეს უნდა მოსულიყო და რომ არ მოვიდა, მისმა ქმარმა დარეკა და გვითხრა, რომ სახლში გარდაცვლილი იპოვა", - ამბობს ერთ-ერთი გარემოვაჭრე.

გარემოვაჭრეები გარდაცვლილს კარგ პიროვნებად ახასიათებენ და იმ შემთხვევაში თუ გამოძიება მკვლელის ვინაობას არ დაადგენს, აქციების გამართავს აპირებენ.

ამ დროისთვის არსებული ინფორმაციით, შემთხვევა გოგოლის ქუჩაზე მოხდა.

მეტი ინფორმაციისთვის:

• ვაგზალზე მოვაჭრე მოკლული ქალის შესახებ ნინო გიორგობიანი განცხადებას ავრცელებს
• "სახლში შეეჭრნენ მძინარეს და მოგუდეს" - რას ყვებიან გარემოვაჭრეები ვაგზალზე მოვაჭრე ქალის მკვლელობაზე