"სახლში შეეჭრნენ მძინარეს და მოგუდეს" - რას ყვებიან გარემოვაჭრეები ვაგზალზე მოვაჭრე ქალის მკვლელობაზე
ვაგზლის მიმდებარე ტერიტორიაზე მკვლელობა მოხდა. მოკლულია ქალი, რომელიც ვაგზალზე ბანანებით ვაჭრობდა. მომხდართან დაკაშირებით განცხადება გაავრცელა შსს-ს საზოგადოებასთან ურთიერთობის ხელმძღვანელმა ნინო გიორგობიანმა, რომელიც უარყოფს გავრცელებულ ინფორმაციას, რომლის მიხედვით მკვლელობის მიზეზი ძარცვა გახდა [განცხადების სრული ტექსტი].
ვაგზლის მოედნის ტერიტორიაზე სხვა მოვაჭრეები სამართალდამცავებისგან საქმის დროულად გამოძიებას მოითხოვენ, სხვა შემთხვევაში, საპროტესტო აქციებით იმუქრებიან.
"არავის არაფერს არ უშავდება, პურის ფულს აკეთებდა ქალი. სახლში შეეჭრნენ მძინარეს, მოგუდეს. ეს ამბავი აუცილებლად უნდა გაირკვეს. ჩვენ ვითხოვთ გამოძიებას, დამნაშავე უნდა დაისაჯოს, თუ არადა ჩვენ ყველა ფეხზე დავდგებით და გზას გადავკეტავთ," - განაცხადეს "რუსთავი 2"-თან საუბრისას ვაგზლის ბაზრობაზე მოვაჭრეებმა, რომლებიც გარდაცვლილს კარგად იცნობდნენ.
ვაგზლის მოედნის მიმდებარე ტერიტორიაზე ქალის გარდაცვალების ფაქტზე გამოძიება დაიწყო. როგორც "ინტერპრესნიუსს" შინაგან საქმეთა სამინისტროში განუცხადეს, გარდაცვალების მიზეზს ექსპერტიზა დაადგენს.
"ქალის გარდაცვალების ფაქტზე გამოძიება დაიწყო. მიმდინარეობს საგამოძიებო მოქმედებები. ადგილზე მობილიზებულნი არიან სამართალდამცველები. უკვე დაინიშნა ექსპერტიზა, რომელიც ქალის გარდაცვალების რეალურ მიზეზს დაადგენს. ამ ეტაპზე იმის თქმა ეს იყო მკვლელობა, თუ სხვა რამ, არ შეგვიძლია", - აცხადებენ შსს-ში.
მომზადებულია "ინტერპრესნისის" და "რუსთავი 2"-ს მასალების მიხედვით.
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
