მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მშენებლები ჩამონგრეული გუმბათის 50 ტონიანი მასის ქვეშ მოყვნენ
12:01 / 07-05-2014
ხელვაჩაურის რაიონის სოფელ ახალსოფელში მშენებარე ეკლესიის გუმბათის ჩამონგრევის შედეგად გარდაცვლილი ორი მშენებელი ნანგრევებიდან ამოიყვანეს.
როგორც ახალსოფლელები აცხადებენ, ეკლესიის მშენებლობაზე დღეს 19- დან 30 წლამდე ასაკის ხუთი მამაკაცი მუშაობდა.
აჭარის საგანგებო და გადაუდებელი სიტუაციების მართვის სააგენტოს უფროსის მოვალეობის შემსრულებლის, მამუკა თურმანიძის თქმით, სამაშველო ოპერაცია ორ საათს გაგრძელდა. მისივე განმარტებით, გუმბათის ჩამონგრევის დროს ერთმა ადამიანმა გადახტომა შეძლო, ხოლო ოთხი ნანგრევებში მოყვა.
"16:00 საათზე შემოვიდა შეტყობინა სამაშველოში. 10 წუთში გამოვცხადდით ადგილზე და გამოვიძახეთ კიდევ რამდენიმე ჯგუფი. დაგვხვდა ტრაგედია, მშენებარე ეკლესიის გუმბათი, დაახლოებით, 50 ტონა მასა იყო ჩამოშლილი და მოყოლილი იყო ოთხი მშენებელი. გავარკვიეთ, რომ დღეს სულ ხუთი ადამიანი მუშაობდა. ჩამონგრევის დროს ერთმა შეძლო გადმოხტომა, ხოლო ოთხი ნანგრევებში მოყვა. ორსაათიანი ოპერაციის შედეგად ორი გამოვიყვანეთ ცოცხლად, ხოლო ორი გარდაიცვალა", - აღნიშნა მამუკა თურმანიძემ.
ახალსოფელში მცხოვრები თამაზ გოგიტიძე უბედური შემთხვევის მიზეზად უხარისხო სამშენებლო მასალასა და საყრდენი ბოძების დროზე ადრე გამოღებას ასახელებს. "დასაწყისში მეზობლები ვეხმარებოდით მშენებლობაში. თითქმის სრულდებოდა ჩამოსხმითი სამუშაოები, მაგრამ როგორც ჩანს, ცოტა ადრე მოიხსნა ხარაჩოები, რამაც უბედური შემთხვევა გამოიწვია. შემდგომში ექსპერტიც დაამტკიცეს. შესაძლოა, სამშენებლო მასალები იყო უხარისხო. არმატურა, ბეტონის მარკა, ცემენტის ხარისხი უნდა ისინჯებოდეს", - აღნიშნა თამაზ გოგიტიძემ.
შემთხვევის ადგილზე იმყოფებოდა აჭარის მთავრობის თავმჯდომარე არჩილ ხაბაძე, რომელმაც განაცხადა, რომ მობილიზებულია სამედიცინო პერსონალი და ყველაფერს აკეთებენ, რომ დაშავებულების სიცოცხლეს საფრთხე არ დაემუქროს.
ადგილზე იმყოფებოდნენ სასულიერო პირებიც, თუმცა მათ ჟურნალისტებთან კომენტარის გაკეთებაზე უარი განაცხადეს. წმინდა გიორგის სახელობის ეკლესია მეოთხე წელია შენდება. ახალსოფლის მცხოვრებლებთან ერთად, ტაძრის მშენებლობის ინიციატორი მამა მარკოზია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ იყოფა მეუღლეთა თანასაკუთრებაში არსებული ქონება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
