გაუჩინარებული თუ გათხოვილი: 12 წლის გოგონას დედა ზეწოლაზე საუბრობს (ექსკლუზივი)
2014 წლის 20 თებერვალს ქუთაისში 12 წლის გოგონა გაუჩინარდა. სამძებრო ღონისძიებები დღემდე უშედეგოდ გრძელდებოდა, დღეს კი, Ambebi.ge-სთვის გოგონას შესახებ ახალი დეტალები გახდა ცნობილი. კერძოდ, ქუთაისის შსს-ს სამმართველოს ინფორმაციით, გოგონა გათხოვდა.
გავრცელებული ინფორმაცია სრულიად არ არის დამამშვიდებელი გოგონას ოჯახის წევრებისთვის, ვინაიდან მათთვის ამ დრომდე უცნობია გოგონას ჯანმრთელობისა თუ ფსოქოლოგიური მდგომარეობის შესახებ. ოჯახის წევრებმა არც 12 წლის გოგონას ადგილმდებარეობის შესახებ იციან.
Ambebi.ge-ს ქუთაისის ბიუროს ჟურნალისტი მარიამ სულაბერიძის დედას, ეთერ გვენეტაძეს დაუკავშირდა. მისი თქმით, მისი შვილი, 12 წლის მარიამი ნებით არ გათხოვილა. მარიამის დედა მცირეწლოვანი ქალიშვილის პოვნაში დახმარებას ითხოვს.
ეთერ გვენეტაძე Ambebi.ge-სთან საუბარში ამბობს, რომ გოგონა მას რამდენჯერმე დაუკავშირდა, თუმცა სად და ვისთან ერთად იმყოფება, ეს დედისთვის კვლავ უცნობია.
ეთერ გვენეტაძე:
- ჩემი შვილი არ გათხოვილა. მასზე ვიღაც ახორციელებს ზეწოლას და ამიტომაც ამბობს, გავთხოვდიო... მე ქალაქის ტელეფონით მეკონტაქტება და ამიტომ ვერ ვახერხებ ვერც ნომრის და ვერც მისი ადგილმდებარეობის დადგენას.
მარიამ სულაბერიძე ოჯახის ერთადერთი შვილია. ის ქუთაისის #24 საჯარო სკოლის მეშვიდე კლასში სწავლობს. როგორც გოგონას დედა, ეთერ გვენეტაძე აცხადებს, მან იცოდა, რომ მოზარდს შეყვარებული ჰყავდა და მესიჯებს წერდა, ამიტომ ტელეფონი წაართვა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
