14
მარტიდღის ზოგადი ასტროლოგიური პროგნოზი
პრეზიდენტი მიხეილ სააკაშვილი, მის საპრეზიდენტო ვადაში, ყველა დევნილს საკუთარ ბინას დაჰპირდა. ამის შესახებ სააკაშვილმა დღეს ფოთში მოსახლეობასთან შეხვედრისას განაცხადა. ქვეყნის პირველმა პირმა ერთ-ერთი დევნილის შეკითხვას უპასუხა, რომელიც დევნილებისთვის საცხოვრებელი ბინებით უზრუნველყოფის საკითხს შეეხებოდა.
პრეზიდენტის განცხადებით, იძულებით გადაადგილებულ პირთათვის კორპუსების აშენება გაგრძელდება. მისივე თქმით, ბოლო რამდენიმე თვეში დევნილებისთვის საქართველოში 30 ათასამდე ბინა აშენდა და კიდევ ორჯერ მეტი აშენდება.
"ვიცი, რომ ამ საკითხზე ყოველთვის კამათია; იმასაც ამბობენ, რომ ვიღაცას მეორე და მესამე ბინა შეხვდა. არ ვიცი, ესეც გადასამოწმებელია, ვიღაც შეიძლება ეგეთიც გაიპაროს; საბოლოო ჯამში მე დავდივარ და ვნახე ეს ხალხი, ძალიან გაჭირვებული ხალხი, ისინიც, რომლებმაც საკუთარი პირველი ბინა მიიღეს. თუ რამე გაგვეპარა, ისიც ყველამ ერთად უნდა გადავამოწმოთ, მაგრამ ყველა დევნილი საქართველოში მიიღებს ბინას ჩემს საპრეზიდენტო ვადაში", - განაცხადა სააკაშვილმა. მისი თქმით, დევნილებს ექნებათ მუდმივი საცხოვრებელი სახლი და ეს მისი პრინციპული საკითხია.
