გიული ალასანიას მეუღლე, ზურაბ ქომეთიანი გარდაიცვალა

24 იანვარს 77 წლის ასაკში პრეზიდენტ მიხეილ სააკაშვილის დედის, გიული ალასანიას მეუღლე ზურაბ ქომეთიანი გარდაიცვალა.

ზურაბ ქომეთიანი დღემდე ი. ბერიტაშვილის სახელობის ფიზიოლოგიის ინსტიტუტის სამეცნიერო საბჭოს თავმჯდომარე იყო. ქომეთიანი 100-ზე მეტი სამეცნიერო ნაშრომის (მონოგრაფია, წიგნები, ლინცენზიები და პატენტები) ავტორია.

როგორც "ამბები.გე"-ს ფიზიოლოგიის ინსტიტუტის ექსპერიმენტული მედიცინის ცენტრის დირექტორმა დავით ნადარეიშვილმა განუცხადა, ჯერჯერობით არ არის გადაწყვეტილი, როდის და სად დაკრძალავენ ზურაბ ქომეთიანს.

პროფესორ ქომეთიანს ორი შვილი ჰყავდა.