30
მაისიდღის ზოგადი ასტროლოგიური პროგნოზი
ბოლო ხანს სოციალურ ქსელებში ხშირად წერენ, 26 აგვისტოს თბილისში, ან ბათუმში ე.წ. სექსუალური უმცირესობის გეიაღლუმი ჩატარდებაო. თურმე ეს დემოკრატიის მშენებლობისა და ევროპასთან ინტეგრაციის საქმეში წინსვლისთვის აუცილებელი ყოფილა და ამ იდეას არაერთი მხარდამჭერი ჰყავს.
საკითხავია, დემოკრატია თუ არის ქუჩაში კაბიანი და მოხატული კაცების გავლა, ან მიიღებს კი ამას ის საზოგადოება, რომელსაც დემოკრატიულობანას ეთამაშებიან? გვესაუბრება პარტია "თავისუფლებისა" და მართლმადიდებელ მშობელთა კავშირის წევრი ლადო სადღობელაშვილი.
- გეიაღლუმი რომ ბათუმში უნდა ჩატარდეს, ამის შესახებ იუწყება სპეციალური ვებგვერდები, რომელთა მომხმარებლებიც ჰომოსექსუალისტები არიან. ყველაზე აქტიური ამ ეტაპზე ბათუმის გეისაიტია. ამ საიტის მეშვეობით უნიშნავენ ერთმანეთს შეხვედრებს რომელიმე კაფეში ან სასტუმროში...
- ვინ არის ამის ორგანიზატორი?
- ჩამოვიდა ამერიკიდან ამერიკის მოქალაქე ირაკლი კაკაბაძე, ცნობილი მემარცხენე ულტრალიბერალი... ირაკლი კაკაბაძის მეუღლე, ანა დოლიძე ამერიკაში წასვლამდე ლესბოსელთა უფლებებს იცავს და პედერასტების უფლებათა დამცველ პაატა საბელაშვილთან თანამშრომლობდა. მერე, როცა ანა ამერიკაში წავიდა, შეიქმნა ფონდი "ინკლუზივი", რომლის ხელმძღვანელი გახდა საბელაშვილი.
სხვათა შორის, ორი წლის წინ საბელაშვილი დაკავებული იყო ჰაშიშის მოხმარებისა და შენახვისათვის და ციხეში სვამდნენ, თუმცა ხმაური ატეხა, პედერასტი ვარ და ამის გამო მიჭერენო. რომ გამოუშვეს, გრანტი მოიპოვა და სწორედ აქედან დაიწყო ლაპარაკი გეიაღლუმის ჩატარებაზე კავკასიაში. ეს გრანტი 2009 წლის მაისში ჩაირიცხა. ევროპის თითქმის ყველა ქვეყანაში ტარდება გეიაღლუმები და ერთადერთი კავკასიის რეგიონია, სადაც ასეთი რამ არ მომხდარა.
აზერბაიჯანში ეს გამორიცხულია იმის გამო, რომ მუსლიმანურ ქვეყნებში ვერ შედიან. იქ, უბრალოდ, ჩაქოლავენ. ჩვენი რელიგია კი ძალადობრივი არ არის და ამიტომ შეირჩა საქართველო.
- საიდან გაქვს ეს ინფორმაცია?
- ერთ-ერთი ბრიტანული ორგანიზაციისგან, რომლის სახელწოდებაც ასე ითარგმნება: "სიყვარული გეების წინააღმდეგ". მიმოწერა მაქვს მათთან. შევიტყვეთ, რომ სურთ, ჩამოიყვანონ რამდენიმე უცხოელი გეი, რომლებიც, ასე ვთქვათ, ფარის ფუნქციას შეასრულებენ. უცხოელი მოქალაქის დასაცავად პოლიცია ფეხზე დადგება და მეორე ფარი სწორედ პოლიცია იქნება.
მათ ეს 2009 წელსაც ჰქონდათ განზრახული, მაგრამ ჩაიშალა, როგორც ვიცი, საპატრიარქოსა და ხელისუფლების რამდენიმე წარმომადგენლის ჩარევით. დღეს უკვე ამ გეიაღლუმის ჩატარების დიდი საშიშროება შეიქმნა. ირაკლი კაკაბაძე არის ულტრალიბერალი და ამ ყველაფერს ორგანიზებას ის უკეთებს. ბათუმი კი იმიტომ შეირჩა, რომ სურთ, ეს ქალაქი გარყვნილების ბუდედ აქციონ. ეს პირველი მცდელობა არ არის.
- სხვა მცდელობა როდის იყო?
- 2008 წლის მაისში იყო ერთი პროექტი. ამერიკული ტურისტული კომპანია "ვასტა თრეველი" აპირებდა, მწვანე კონცხზე შეეძინა სანაპიროს ნაწილი და გაეკეთებინა ნუდისტური პლაჟი. მერე ომი დაიწყო და ეს პროექტი შეჩერდა. ახლა კი ისევ დაიწყეს ამ პროექტზე საუბარი და, როგორც ვიცი, ეს ჩვენი ეკონომიკის მინისტრის, ვერა ქობალიას ინიციატივაა. გარდა ამისა, როგორც შევიტყვე, ბათუმის "შერატონის" გაფართოება სურთ და ამის გამო წმინდა ბარბარეს ეკლესიის დანგრევას აპირებენ.
- მართლმადიდებელ მშობელთა კავშირი რას აპირებს?
- ვესაუბრე მამა დავით ქვლივიძესა და მამა დავით ისაკაძეს. ისინი მართლმადიდებელთა კავშირის დამფუძნებლები არიან. მათ განაცხადეს, რომ პარაკლისს გადაიხდიან და ამ ადამიანების შენდობას უფალს სთხოვენ, მაგრამ ისინი მამები არიან, რიგითი ადამიანები კი ამას ვერ აიტანენ, გამოვლენ და არატრადიციული ორიენტაციის წარმომადგენლებს ზოგი ქვას ესვრის და ზოგი - ბოთლს და... ციხეში, ალბათ, უამრავ ადამიანს ჩასვამენ.
ისე, ამას წინათ თქვეს, ჭორია, გეიაღლუმი რომ უნდა ჩატარდეს, მოიკითხეთ მერიაში და ნახავთ, რომ განაცხადი არ არის შესულიო. ამით, უბრალოდ, გვატყუებენ. თუ 200 კაცი გამოვა ქუჩაში და ისე ჩაივლის, რომ მოძრაობას არ შეაფერხებს, ამისათვის მერიაში განაცხადის შეტანა საჭირო არ არის. 200-ზე მეტ პედერასტს კიდევ თავის ლეგიონერ გეებიანად ვერ მოაგროვებენ და ამიტომაც არ შეაქვთ განაცხადი.
არმაზ ხარძიანი
ყოველკვირეული გაზეთი "ყველა სიახლე"
(გამოდის ხუთშაბათობით)
