მეტრო "უნივერსიტეტი" სავარაუდოდ, ოქტომბრის დასაწყისში ამოქმედდება

მეტრო "უნივერსიტეტი" სავარაუდოდ, ოქტომბრის დასაწყისში ამოქმედდება

თბილისის მეტროპოლიტენის 23-ე მეტროსადგური "უნივერსიტეტი" პირველ მგზავრებს, სავარაუდოდ, ოქტომბრის დასაწყისში მიიღებს. ამის შესახებ "ინტერპრესნიუსს" საქართველოს მუნიციპალური განვითარების ფონდიდან აცნობეს.

როგორც ფონდში აცხადებენ, მეტროსადგურ "უნივერსიტეტში" ყველა სახის სამშენებლო სამუშაოები დასრულებულია და 20 სექტემბრამდე სადგური სატესტო რეჟიმში იმუშავებს. ამ მიზნით ადგილზე უცხოელი სპეციალისტები იმყოფებიან, რომლებიც ქართველ კოლეგებთან ერთად ამ პროცესში მონაწილეობენ.

იხილეთ ვიდეო: როგორი იქნება მეტროსადგური "უნივერსიტეტი", რომელმაც დიდი მითქმა-მოთქმა გამოიწვია

ფონდის ინფორმაციით, სატესტო რეჟიმის შემდეგ ახალი მეტროსადგურის "თბილისის სატრანსპორტო კომპანიისთვის" გადაცემის პროცედურები დაიწყება. მეტროსადგურს ოთხი ამოსასვლელი ექნება და უახლესი ტექნიკით იქნება აღჭურვილი.

ფონდში აცხადებენ, რომ მეტროსადგურ "უნივერსიტეტის" ამოქმედება საბურთალოს რაიონში მიწისზედა სატრანსპორტო ნაკადებისა და საცობების შემცირებას შეუწყობს ხელს.

მეტროსადგურ "უნივერსიტეტის" მშენებლობა 2015 წელს დაიწყო და დაახლოებით, 84 მლნ ლარი დაიხარჯა. მშენებლობა ფაქტიურად 20 წლის განმავლობაში დაკონსერვებული იყო.

როგორც საქართველოს მუნიციპალური განვითარების ფონდში აცხადებენ, სამუშოები აზიის განვითარების ბანკის ფინანსური მხარდაჭერით, საერთაშორისო ტენდერში გამარჯვებულმა, ესპანურმა კომპანიამ COBRA ASSIGNIA (კობრა ასიგნიამ) განახორციელა. მეტროსადგურის დიზაინიც ასევე ესპანურ კომპანიას ეკუთვნის.

"ინტერპრესნიუსი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი