მნიშვნელოვანი ინფორმაცია
4
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას პასუხობს "საზოგადოებრივი მაუწყებელი" თეონა ჯორბენაძეს, რომელსაც კონკურსში გამარჯვებულ პროექტზე უარი უთხრეს
08:46 / 30-08-2017
სცენარისტისა და პროდიუსერის, თეონა ჯორბენაძის თქმით, ის "საზოგადოებრივი მაუწყებლის" მენეჯმენტმა მოატყუა, და ტელევიზიის კონკურსში გამარჯვებული გადაცემა, რომლის საპილოტე ვერსიებიც უკვე იწერებოდა და მალე ეთერში უნდა გასულიყო, მოულოდნელად, ბადიდან ამოიღო, რის შესახებაც, გადაცემის ავტორს ელექტრონული ფოსტის საშუალებით აცნობეს (წაიკითხეთ ჯორბენაძის პოსტი ვრცლად).
გადაცემა Modem/Art-ის ავტორმა და 5 ადამიანისგან შემდგარმა ჯგუფმა, ტელევიზიის გენერალური დირექტორის, ვასილ მაღლაფერიძისა და მედიაწარმოების ბლოკის დირექტორის, პაატა ქურდაძისგან იცოდა, რომ 1-ელი სექტემბრიდან ისინი შრომით ხელშეკრულებას აფორმებდნენ, რის გამოც სხვა შეთავაზებებზე უარი თქვეს.
თეონა ჯორბენაძის თქმით, მას პროექტის თითქმის წარმოებაში ჩაშვების შემდეგ ტელევიზიიდან მოუვიდა ორი შეტყობინება, რომლებიც გადაცემის ეთერიდან ამოღების შესახებ იუწყებოდნენ:
"ერთი ოფიციალური წერილი იყო საზოგადოებრივი მაუწყებლისგან და მეორე სოციალურ ქსელში თავად პაატა ქურდაძის მიერ იყო მოწერილი, სადაც ის იტყობინებოდა, რომ პროექტი გენერალურ დირექტორს არ დაუმტკიცებია. ამის შემდეგ ამ ადამიანთან რომელ სერიოზულად კომუნიკაციაზეა საუბარი. მე მას მივწერე, რომ ეს იყო უკიდურესი უპასუხისმგებლობა და არაპროფესიონალიზმი და ამით დავასრულე მასთან საუბარი. მე ამის შესახებ ვაცნობე ია ანთაძესაც, რაზეც მან მიპასუხა, რომ ამ საქმეში ვერ ჩაერევა, რის შესახებაც კომენტარი სოციალურ ქსელში ჩემს სტატუსტზეც დაწერა," - განმარტავს თეონა ჯორბენაძე. მისივე თქმით, ამის შემდეგ მას საზოგადოებრივი მაუწყებლის წარმომადგენლებთან კომუნიკაცია აღარ ჰქონია.
აღნიშნულთან დაკავშირებით, AMBEBI.GE-მ საზოგადოებრივი მაუწყებლის მენეჯმენტთან დაკავშირება სცადა. გენერალური დირექტორის, ვასილ მაღლაფერიძის თქმით, Modem/Art-ის საკითხზე განმარტების გაკეთება მხოლოდ მედიაწარმოების ბლოკის დირექტორს, პაატა ქურდაძეს შეუძლია. თავად ქურდაძემ კი რამდენიმე სატელეფონო ზარის შემდეგ გვიპასუხა, რომ "თათბირი აქვს და არ სცალია".
ეთერში ჩასაშვებად გამზადებული გადაცემის მოულოდნელი უარყოფის შესახებ საზოგადოებრივი მაუწყებლის ბორდის წევრის, სულხან სალაძისა და საზოგადოებრივი მაუწყებლის მონიტორინგის საბჭოს წევრის, ემზარ გოგუაძის მოსაზრებაც მოვისმინეთ. მათი თქმით, მომხდარის შესახებ ინფორმაცია არ ჰქონიათ, თუმცა სულხან სალაძის განმარტებით, გადაცემა რომ კონკურსის გამარჯვებული იყო, ამის შესახებ მისთვის ცნობილი იყო:
"არ ვიცი, რეალურად რა მოხდა, რადგან გადაცემების შერჩევისა თუ გაუქმების გადაწყვეტილება საბჭოს არ მიუღია. იმედი მაქვს, რომ საბჭო ამ თემაზე მოისმენს მენეჯმენტის პოზიციას და რეალურად, მენეჯმენტი განმარტავს, თუ რატომ მიიღო ასეთი გადაწყვეტილება. გადაცემამ კონკურსის ყველა ეტაპი რომ გაიარა და გამარჯვებულად გამოცხადდა, ეს უკვე ნიშნავს, რომ ნებისმიერი გადაწყვეტილება, რაც მენეჯმენტს აქვს მიღებული, უნდა იყოს არგუმენტირებული, დასაბუთებული და ახსნილი, თუ მანამდე რატომ იყო მიღებული მისი ეთერში გაშვების გადაწყვეტილება," - აღნიშნავს სულხან სალაძე.
ემზარ გოგუაძის თქმით, მისთვის გადაცემის ეთერიდან ამოღების ფაქტი ცნობილი არ იყო, - "თეონა ჯორბენაძის გადაცემა თუ ამოიღეს, მაშინ რაღა დატოვეს?! ბევრი არაფერი რომ არ დაუტოვებიათ, ეს კი ვიცი. ჯორბენაძის გადაცემამ გამოცხადებული კონკურსი თავის დროზე გაიარა და მიულოცეს კიდეც. ის არის უნიჭიერესი ადამიანი, თავის სფეროშიც ცნობილია მოღვაწეობით და ის, რომ პაატა ქურდაძეს მოუნდა და შემდეგ ეტაპზე ეს გადაცემა არ გაუშვა, ამის შესახებ არაფრის თქმა არ შემიძლია, გარდა იმისა, რომ ეს უპასუხისმგებლო საქციელია," - საზოგადოებრივი მაუწყებლის მონიტორინგის საბჭოს წევრი.
საზოგადოებრივი მაუწყებლის მენეჯმენტის გადაწყვეტილებას ეხმაურებიან, იმ 12-კაციანი კომისიის წევრებიც, რომლებმაც რეკომენდაციები გაუწიეს კონკურსის გზით არჩეულ პროექტებს - დრამატურგი თამარ ბართაია და კრიტიკოსი დავით ბუხრიკიძე, რომელთაც Modem/Art-ი გამარჯვებულ პროექტად აღიარეს:
"უკვე არაფერი მიკვირს, იმდენი რამ მოხდა, რადგან აუხსნელისა და ასახსნელის საზღვრები ლამის უკიდეგანოა. ბარემ ვიტყვი, თუ რა ძალისხმევის ფასად დაუჯდათ კომისიის წეცრევს პროექტის Modem/Art-ის გატანა... კარგად მესმის თეონა ჯორბენაძის, გაუგებარი და საერთოდ აუხსნელია, რა მიზეზით თქვა საზოგადოებრივმა მაუწყებელმა უარი ამ ძალიან კარგ პროექტზე," - წერს დავით ბუხრიკიძე.
მომხდარის გამო თამარ ბართაიაც წუხილს გამოთქვამს, - "ღიად ვაფიქსირებ ჩემს აზრს, რომ ეს პროექტი ჩემი ფავორიტი იყო. ძალიან საწყენია, რაც მოხდა, საერთოდ რა ხდება?!..." - წერს კომისიის წევრი.
პროექტის ავტორის, თეონა ჯორბენაძი თქმით, გადაცემაში ჩართულები უნდა ყოფილიყვნენ ისეთი ხელოვანები და საზოგადოებისთვის ცნობილი პირები, როგორებიც არიან: ნიკოლოზ რაჭველი, ანიტა რაჭველიშვილი, ნინო ქათამაძე, ნინო მაჩაიძე, გია გაგნიძე და სხვები, თუმცა გადაცემის გაუქმებასთან ერთად, მას მონაწილეობაში უარის თქმა აღნიშნული პირებისთვისაც მოუხდა.
თეონა ჯორბენაძე მომხდარის გამო საზოგადოებრივი მაუწყებლის მენეჯმენტისგან პასუხს ითხოვს და ამბობს, რომ აღნიშნულ ფაქტს რეაგირების გარეშე არ დატოვებს.
მარიამ მენაბდიშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
