სხვადასხვა სამუშაოს ჩატარების გამო, დღეს თბილისის ნაწილს ელექტრომომარაგება შეეზღუდება. როგორც "ინტერპრესნიუსს" სააქციო საზოგადოება "თელასიდან" აცნობეს, ჩუღურეთის რაიონში, ქსელზე ახალი აბონენტების მიერთების მიზნით, 10:00 საათიდან 18:00 საათამდე შეზღუდვა შეეხება: აღმაშენებლის გამზირის მცხოვრებლებს.
სამგორის რაიონში, დაზიანებული აღრიცხვის კვანძის შეცვლის მიზნით 12:00 საათიდან 13:00 საათამდე შეზღუდვა შეეხება: ჭიჭინაძის ქუჩის № 23, 23ა, 25 და 27 მცხოვრებლებს.
დაზიანებული აღრიცხვის კვანძის შეცვლის მიზნით 13:00 საათიდან 14:00 საათამდე შეზღუდვა შეეხება: ჭიჭინაძის ქუჩის № 1, 3, 5, 6, 7, 8, 10, 12 და 18 მცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. "თელასში" აცხადებენ, რომ სამუშაოების დასრულების შემდეგ აბონენტებს ელექტრომომარაგება აღუდგებათ.
გეგმური სარეაბილიტაციო სამუშაოების გამო, ელექტროენერგიის მიწოდება შეეზღუდება დღეს "ენერგო-პრო ჯორჯიას" აბონენტების ნაწილსაც.
როგორც "ინტერპრესნიუსს" კომპანია "ენერგო-პრო ჯორჯიადან" აცნობეს, ქსელის სარეაბილიტაციო სამუშაოების გამო, 28 თებერვალს 11:00-დან 17:00 საათამდე ელექტროენერგიის მიწოდება შეეზღუდება 1007 აბონენტს წილკნის დევნილების დასახლებაში, წილკანში, ერედაში, ახალდაბაში, ფრეზეთში, ფრეზეთის დევნილების დასახლებაში, უფურეთში და უფურეთის აგარაკებში.