მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გია შარვაშიძე "აუდიტორია 115"-ის წევრებს თსუ-ს მე-6 კორპუსის დაცლისკენ მოუწოდებს
11:05 / 22-02-2017
ივ. ჯავახიშვილის სახელობის თბილისის სახელმწიფო უნივერსიტეტის რექტორი გია შარვაშიძე "აუდიტორია 115"-ის წევრებს თსუ-ს მე-6 კორპუსის დაცლისკენ მოუწოდებს.
როგორც გია შარვაშიძემ "ინტერპრესნიუსს" განუცხადა, სასწავლო წელი მალე, 3 მარტს იწყება, შესაბამისად, რექტორი იმედოვნებს, რომ "აუდიტორია 115"-ის წევრები გონივრულ გადაწყვეტილებას მიიღებენ. მანვე ყურადღება გაამახვილა, რომ უნივერსიტეტი ავტონომიურია და ავტონომიურ რეჟიმში გადაწყვეტს საკითხებს.
"რაც შეეხება "აუდიტორია 115"-ს, რამდენად საუნივერსიტეტო თემატიკაა მათი მოთხოვნები, უკვე აღარ ვიცი, რადგან საუნივერსიტეტო მოთხოვნებიდან სხვა მოთხოვნებში გადაიზარდა. ბევრი რამ შევასრულეთ, რაც "აუდიტორია 115"-ს მოთხოვნილი ჰქონდა. მათ შორის, ამ კვირაში იქნება ჩემი შეხვედრა ჟურნალისტებთან, სადაც საუნივერსიტეტო სივრცეში მომხდარ სიახლეებს გავაჟღერებ. ამიტომ, ჩვენი მისამართით საპროტესტო ნაკლებად არის დარჩენილი. სასწავლო წელიწადი მალე, 3 მარტს იწყება. იმედი გვაქვს, დაიცლება მე-6 კორპუსი და საშუალაება მოგვეცემა, რომ წყნარ გარემოში დავიწყოთ სასწავლო პროცესი ჟურნალისტებისთვის და სხვებისთვის, ვინც მე-6 კორპუსით სარგებლობს. ეს მით უმეტეს მნიშვნელოვანია, რადგან მე-6 კორპუსში არის ის მოწყობილობა, რომელიც აუცილებელია პრაქტიკული საქმიანობისთვის. სწავლების ხარისხზე ეს უარყოფითად მოქმედებს, ამიტომ კიდევ ერთხელ მოვუწოდებ სტუდენტებს, თსუ-ს სტუდენტებს, ვინც იქ არიან, ნაწილი თსუ-ს სტუდენტი არ არის, ნაწილი საერთოდ სტუდენტი არ არის, ვინც არიან, დაცალონ ის ტერიტორია", - განაცხადა გია შარვაშიძემ.
ამასთან, თსუ-ს რექტორმა საუნივერსიტეტო სივრცეში განხორციელებულ სიახლეებს შორის, საუნივერსიტეტო ფონდის შექმნაზე ისაუბრა, რომელიც სტუდენტურ გრანტებს განიხილავს. მისივე ინფორმაციით, ასევე შემოღებულია ომბუდსმენის ინსტიტუტიც, რომელიც მედიატორის ფუნქციას შეასრულებს.
როგორც ცნობილია, "აუდიტორია 115"-ის მიერ თსუ-ს მეექვსე კორპუსის პიკეტირების გაგრძელების შემთხვევაში, სტუდენტებს სწავლის გაგრძელება ტურიზმის ცენტრში მოუწევთ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
