გა­სულ კვი­რას ავა­რი­ის შე­დე­გად სა­ქარ­თვე­ლოს მას­შტა­ბით 11 ადა­მი­ა­ნი და­ი­ღუ­პა. ექ­სპერ­ტე­ბი ავა­რი­ის გა­მომ­წვევ ნო­მერ პირ­ველ მი­ზე­ზად გა­და­ჭარ­ბე­ბულ სიჩ­ქა­რეს ასა­ხე­ლე­ბენ, ჩა­მო­ნათ­ვალ­ში მას მოს­დევს - საგ­ზაო მოძ­რა­ო­ბის წე­სე­ბის დარ­ღვე­ვა, მან­ქა­ნის ნას­ვამ მდგო­მა­რე­ო­ბა­ში მარ­თვა, სატ­რან­სპორ­ტო სა­შუ­ა­ლე­ბის მარ­თვა კონ­ცენ­ტრა­ცი­ის გა­რე­შე (მო­ბი­ლურ­ზე სა­უ­ბა­რი), მო­უ­წეს­რი­გე­ბე­ლი ინფრას­ტრუქ­ტუ­რა, თა­ნა­ბარმ­ნიშ­ვნე­ლო­ვან გზებ­ზე "და­უთ­მე გზის" ნიშ­ნის არარ­სე­ბო­ბა, სატ­რან­სპორ­ტო სა­შუ­ა­ლე­ბის გა­უ­მარ­თა­ო­ბა, გზა­ზე გა­დას­ვლის წე­სე­ბის დარ­ღვე­ვა ქვე­ი­თე­ბის მიერ და სხვა.

ახა­ლი წლის დღე­ებ­ში კი ყვე­ლა­ზე ხში­რად ავა­რი­ის მი­ზე­ზად სა­ხელ­დე­ბა სიჩ­ქა­რის გა­და­ჭარ­ბე­ბა და სატ­რან­სპორ­ტო სა­შუ­ა­ლე­ბის ნას­ვამ მდგო­მა­რე­ო­ბა­ში მარ­თვა. მძღო­ლე­ბი ყვე­ლა­ზე ხში­რად სწო­რედ იმ დღე­ებ­ში აძ­ლე­ვენ თავს უფ­ლე­ბას იმოძ­რა­ონ მა­ღა­ლი სიჩ­ქა­რით, როცა ქუ­ჩა­ში ნაკ­ლე­ბი მან­ქა­ნაა. ასე­ვე, პრობ­ლე­მას წარ­მო­ად­გენს ისიც, რომ ახა­ლი წლის აღ­ნიშ­ვნის შემ­დეგ მძღო­ლე­ბის ნა­წილს მან­ქა­ნის და­ტო­ვე­ბა და სახ­ლში ტაქ­სით წას­ვლა არ სურს.

გახ­ში­რე­ბუ­ლი ავა­რი­ე­ბის მი­ზე­ზე­ბის გა­მო­სავ­ლე­ნად Ambebi.ge-მ სპე­ცი­ა­ლუ­რი მოკ­ვლე­ვა ჩა­ა­ტა­რა. ჩვენ და­ვუ­კავ­შირ­დით რო­გორც შე­სა­ბა­მის სა­კი­თხებ­ზე მო­მუ­შა­ვე ექ­სპერ­ტებს, ასე­ვე და­ვინ­ტე­რეს­დით, თუ რას ფიქ­რო­ბენ მო­ქა­ლა­ქე­ე­ბი საგ­ზაო მოძ­რა­ო­ბის უსაფრ­თხო­ე­ბა­ზე. ქუ­ჩის გა­მო­კი­თხვის შე­დე­გად ავ­ტო­საგ­ზაო შემ­თხვე­ვე­ბის მი­ზეზ­თა საკ­მა­ოდ ვრცე­ლი სია გა­მოვ­ლინ­და:

არ­ჩილ ზა­ქა­რა­ია, პენ­სი­ო­ნე­რი:

- ავა­რი­ებს იწ­ვევს მო­უ­წეს­რი­გე­ბე­ლი საგ­ზაო ინფრას­ტრუქ­ტუ­რა, რის მო­წეს­რი­გე­ბა­ზეც სა­ქარ­თვე­ლოს მთავ­რო­ბა დღე და ღამე უნდა ფიქ­რობ­დეს. ჩვენ, ფე­ხით მო­სი­ა­რუ­ლე­ებს გვაქვს ვალ­დე­ბუ­ლე­ბა და­ვიც­ვათ წე­სე­ბი, მაგ­რამ მხო­ლოდ ჩვენ­ზე არ არის და­მო­კი­დე­ბუ­ლი, წე­სე­ბი და ჯა­რი­მე­ბია გა­სამ­კაც­რე­ბე­ლი, რომ მძღო­ლე­ბი უფრო მო­ბი­ლი­ზე­ბულ­ნი გახ­დნენ.

ნი­კო­ლოზ თო­დუა, სტუ­დენ­ტი:

- ავა­რი­ე­ბის მი­ზე­ზი, უპირ­ვე­ლეს ყოვ­ლი­სა, სიჩ­ქა­რის გა­და­ჭარ­ბე­ბაა, ამას ემა­ტე­ბა ნას­ვამ მდგო­მა­რე­ო­ბა­სა და სხვა სა­შუ­ა­ლე­ბე­ბის ზე­მოქ­მე­დე­ბის ქვეშ მყო­ფი მძღო­ლე­ბი სა­ჭეს­თან. ასე­ვე, ტა­რე­ბის პრაქ­ტი­კუ­ლი ნა­წი­ლის არ­ცოდ­ნა და დაბ­ნე­უ­ლო­ბა იწ­ვევს ცუდ შე­დე­გებს. ქარ­თვე­ლებს გვჭირ­დე­ბა მეტი სიმ­კაც­რე და ჯა­რი­მა. კონ­ტრო­ლის მკაც­რი მე­ქა­ნიზ­მის გა­რე­შე არა­ფე­რი გვეშ­ვე­ლე­ბა.

თემო ზა­ქა­რა­ძე, ბან­კის თა­ნამ­შრო­მე­ლი:

- თა­ნაბ­რად დამ­ნა­შა­ვე­ე­ბი ვართ რო­გორც მძღო­ლე­ბი, ასე­ვე ქვე­ი­თად მო­სი­ა­რუ­ლე­ე­ბი. ხან­და­ხან ჩვენც ვარ­ღვევთ და ისი­ნიც და იწყე­ბა გაბ­რა­ზე­ბე­ბის სე­რია და ურ­თი­ერ­თბ­რალ­დე­ბე­ბი. მენ­ტა­ლო­ბა უნდა შე­იც­ვა­ლოს, რომ ეს სა­კი­თხი მო­წეს­რიგ­დეს. უფრო მეტი სიმ­კაც­რეა სა­ჭი­რო. ვიცი, არა­ვინ და­მა­ჯა­რი­მებს და ახლა ვა­პი­რებ პე­კი­ნის ქუჩა გა­დავკვე­თო ზებ­რა გა­და­სას­ვლელ­თან მის­ვლამ­დე. მან­ქა­ნას როცა ვა­ტა­რებ და ვხე­დავ, რომ ყვე­ლა არ­ღვევს, მეც ვარ­ღვევ, სხვაგ­ვა­რად გავ­ლა შე­უძ­ლე­ბე­ლი ხდე­ბა.

მა­რი­ამ ქე­ბა­ძე, სტუ­დენ­ტი:

- სულ სა­დღაც გვეჩ­ქა­რე­ბა, ქვე­ით­საც და მძღოლ­საც. ზო­გა­დი მო­უ­წეს­რი­გებ­ლო­ბის ამ­ბა­ვია ავა­რი­ე­ბი. სა­ქარ­თვე­ლო­ში თით­ქოს ტალ­ღე­ბა­დაა მი­წყო­ბი­ლი მო­უ­წეს­რი­გებ­ლო­ბის მთე­ლი სე­რია, ეს მხო­ლოდ საგ­ზაო წე­სებს არ ეხე­ბა, ყველ­გან უწეს­რი­გო­ბაა.

აკა­კი ჩა­ფო­ძე, მძღო­ლი:

- არი­ან გა­მო­უც­დე­ლი მძღო­ლე­ბი, რომ­ლე­ბიც მოძ­რა­ო­ბის წე­სებს არ­ღვე­ვენ და ავა­რი­ე­ბი ამ მი­ზე­ზი­თაც ხში­რია. ქვე­ი­თე­ბიც ნამ­დვი­ლად დამ­ნა­შა­ვე­ე­ბი არი­ან იმი­ტომ, რომ ვერ წარ­მო­უდ­გე­ნი­ათ ზებ­რამ­დე მის­ვლა და ქუ­ჩის ისე გა­დაკ­ვე­თა. არის შემ­თხვე­ვე­ბი, როცა რუს­თა­ვე­ლის გამ­ზირს ისე კვე­თენ, თით­ქოს იქ მოძ­რა­ო­ბის ვალ­დე­ბუ­ლე­ბა ჰქონ­დეთ. ასეთ დროს ხდე­ბა ავა­რი­ე­ბიც.

მა­რი­ამ ხუ­გაშ­ვი­ლი, მე­ნე­ჯე­რი:

- ვფიქ­რობ, ყვე­ლა­ზე მე­ტად ავა­რი­ას იწ­ვევს უყუ­რა­დღე­ბო­ბა, ორი­ვე დამ­ნა­შა­ვეა მძღო­ლიც და ქვე­ი­თიც, მაგ­რამ მა­ინც მძღო­ლებს მარ­თებთ უფრო მეტი თავ­შე­კა­ვე­ბა და ყუ­რა­დღე­ბა, ქვე­ი­თი უპი­რა­ტე­სია.

მო­მა­ტე­ბულ საგ­ზაო შემ­თხვე­ვებ­სა და საგ­ზაო მოძ­რა­ო­ბის წე­სე­ბის და­რე­გუ­ლი­რე­ბას­თან და­კავ­ში­რე­ბით ექ­სპერტს, "ტრან­სპორ­ტი­სა და გზე­ბის ასო­ცი­ა­ცი­ის" ხელ­მძღვა­ნელს და­ვით მეს­ხიშ­ვილს ვე­სა­უბ­რეთ:

- როცა ხდე­ბა ავ­ტოსგზაო შემ­თხვე­ვა და ის მთავ­რდე­ბა ფა­ტა­ლუ­რი შე­დე­გით, ვინ­ტე­რეს­დე­ბით, რა არის ავა­რი­ის გა­მომ­წვე­ვი ძი­რი­თა­დი მი­ზე­ზე­ბი. სამ­წუ­ხა­როდ, სრულ­ყო­ფი­ლი სტა­ტის­ტი­კა, თუ რა­ტომ მოხ­და ავა­რია, ში­ნა­გან საქ­მე­თა სა­მი­ნის­ტროს არ აქვს. მხო­ლოდ მი­თი­თე­ბუ­ლია ის, რომ მი­ზე­ზი არის სიჩ­ქა­რის გა­და­ჭარ­ბე­ბა ან არას­წო­რი მა­ნევ­რი­რე­ბა. ნე­ბის­მი­ერ დარ­ღვე­ვას შეგ­ვიძ­ლია ვუ­წო­დოთ არას­წო­რი მა­ნევ­რი­რე­ბა და ამი­ტო­მაც, როცა არ ვი­ცით ზუს­ტი მი­ზე­ზე­ბი, რთულ­დე­ბა პრე­ვენ­ცი­უ­ლი ღო­ნის­ძი­ე­ბე­ბის და­გეგ­მვაც. პირ­ველ რიგ­ში, აუ­ცი­ლე­ბე­ლია, და­იხ­ვე­წოს სტა­ტის­ტი­კა, დად­გინ­დეს ავ­ტო­საგ­ზაო შემ­თხვე­ვე­ბის გა­მომ­წვე­ვი მი­ზე­ზე­ბი.

დე­და­ქა­ლაქ­ში გვაქვს ე.წ "შავი წერ­ტი­ლე­ბი", სა­დაც ხში­რად ხდე­ბა ავ­ტო­საგ­ზაო შემ­თხვე­ვე­ბი. ავა­რი­ის შემ­დეგ ად­გილ­ზე მი­დის სა­პატ­რუ­ლო პო­ლი­ცია და, რო­გორც წესი, დგინ­დე­ბა, რომ ყო­ველ­თვის მძღო­ლია დამ­ნა­შა­ვე. არის ად­გი­ლე­ბი, სა­დაც თვე­ში 100 ავ­ტო­საგ­ზაო შემ­თხვე­ვა ხდე­ბა და ასეთ დროს შე­საძ­ლოა, არა მხო­ლოდ მძღო­ლია დამ­ნა­შა­ვე, არა­მედ, სხვა გა­რე­მო ფაქ­ტო­რე­ბი წარ­მო­ად­გენს პრობ­ლე­მას. მსგავს წერ­ტი­ლებ­ში ექ­სპერტთა ჯგუ­ფი უნდა და­დი­ო­დეს და სწავ­ლობ­დეს, რა მი­ზე­ზით გახ­შირ­და იმ მო­ნაკ­ვეთ­ზე ავ­ტო­საგ­ზაო შემ­თხვე­ვე­ბი.

თბი­ლის­ში, ხში­რად ქვე­ით­თან შე­ჯა­ხე­ბა ხდე­ბა ისეთ ად­გი­ლებ­ში, სა­დაც ერ­თდრო­უ­ლად მწვა­ნეა ქვე­ი­თის­თვის და მძღო­ლის­თვის. მა­გა­ლი­თად, სა­ბურ­თა­ლოს რა­ი­ონ­ში ვაჟა-ფშა­ვე­ლას ქუ­ჩი­დან მივ­დი­ვართ ყაზ­ბე­გის მი­მარ­თუ­ლე­ბით და უნდა შე­ვუხ­ვი­ოთ პე­კინ­ზე. აქ ვხვდე­ბით მწვა­ნე შუქ­ნი­შანს რო­გორც მძღო­ლის­თვის, ასე­ვე ქვე­ი­თის­თვის. კა­ნო­ნი არე­გუ­ლი­რებს, რომ მძღოლ­მა გზა უნდა და­უთ­მოს ქვე­ითს, მაგ­რამ რე­ა­ლუ­რი სუ­რა­თი ის გვაქვს, რომ ქე­ი­თი გა­დარ­ბის ზებ­რა­ზე, ვერ ას­წრებს გა­დას­ვლას იმი­ტომ, რომ ავ­ტო­მო­ბი­ლე­ბის ნა­კა­დი არის უწყვე­ტი და ასეთ დროს ხდე­ბა შე­ჯა­ხე­ბა.

დე­და­ქა­ლაქ­ში ძა­ლი­ან ბევ­რგა­ნაა ასე­თი "კონ­ფლიქ­ტუ­რი სი­ტუ­ა­ცია" და ჩვე­ნი რე­კო­მენ­და­ცია არის თბი­ლი­სის მე­რი­ის მი­მართ, რომ მწვა­ნე შუქ­ნი­შა­ნი არ იყოს ერ­თდრო­უ­ლად ქვე­ი­თე­ბის­თვის და მძღო­ლე­ბის­თვის.

მე­ო­რე ფაქ­ტო­რი ქვე­ი­თე­ბის თე­მა­ზე არის ის, რომ ჩვე­ნი ინფრას­ტრუქ­ტუ­რა არ არის მო­წყო­ბი­ლი ისე, რომ ზებ­რამ­დე მძღოლ­მა და­აგ­დოს სიჩ­ქრე. მა­გა­ლი­თად, მშრა­ლი ხი­დის ქვეშ, ნა­ხა­ტე­ბის გა­მო­ფე­ნას­თან არის ზებ­რა, მაგ­რამ აქ ჩვენ ვმოძ­რა­ობთ 60 კი­ლო­მეტ­რი სა­ათ­ში სიჩ­ქა­რით, უცებ გვხვდე­ბა ზებ­რა, ისე, რომ არ ვი­ცით, რომ უნდა შეგ­ხვდეს, ვერ ვა­ხერ­ხებთ და­მუხ­რუ­ჭე­ბას. ამ დროს რის­კი არის ორ­მა­გი, ერთი - ქვე­ით­თან შე­ჯა­ხე­ბის, მე­ო­რე კი - უცა­ბე­დი და­მუხ­რუ­ჭე­ბის შემ­თხვე­ვა­ში, ჩვენს უკან მოძ­რა­ვი მან­ქა­ნის შე­ჯა­ხე­ბის. ინფრას­ტრუქ­ტუ­რა არ არის ხელ­შემ­წყო­ბი, რომ ავ­ტო­საგ­ზაო შემ­თხვე­ვე­ბის­გან ვი­ყოთ და­ცუ­ლი.

- რო­გორ ფიქ­რობთ, პატ­რუ­ლი ლო­ი­ა­ლუ­რი ხომ არ არის დამ­რღვე­ვი მძღო­ლე­ბის მი­მართ?

- პატ­რულ­თან და­კავ­ში­რე­ბით უფრო ძი­რე­უ­ლი პრობ­ლე­მაა, ვიდ­რე ლო­ი­ა­ლო­ბის სა­კი­თხი. ჩვე­ნი პო­ლი­ცია, ერთი მხრივ, ებ­რძვის ქურ­დებ­სა და ყა­ჩა­ღებს და, მე­ო­რე მხრივ, არე­გუ­ლი­რებს სატ­რან­სპორ­ტო მოძ­რა­ო­ბას. ამ ორ სა­კითხს ერ­თად ვერ უმკლავ­დე­ბა, თა­ნაც ძა­ლი­ან მო­ი­მა­ტა სატ­რან­სპორ­ტო სა­შუ­ა­ლე­ბე­ბის რი­ცხვმა, ლო­ი­ა­ლო­ბა იძუ­ლე­ბი­თია. ში­ნა­გან საქ­მე­თა სა­მი­ნის­ტრო გეგ­მავს ამ მი­მარ­თუ­ლე­ბის გან­ვი­თა­რე­ბას და პარ­ლა­მენ­ტში წარ­დგე­ნი­ლია კა­ნონპ­რო­ექ­ტი უკონ­ტაქ­ტო პატ­რუ­ლი­რე­ბის კუ­თხით. არსი ამ კა­ნო­ნი­სა არის ის, რომ ღერ­ძუ­ლა ხა­ზის გა­დაკ­ვე­თის­თვის პატ­რუ­ლი არ უნდა გა­მო­გე­კი­დოს მძღოლს და­სა­ჯა­რი­მებ­ლად. ეს უნდა მოხ­დეს ავ­ტო­მა­ტურ რე­ჟიმ­ში, უკონ­ტაქ­ტო პატ­რუ­ლი­რე­ბით, მაგ­რამ ეს სა­კი­თხი 8 თვეა გა­ჭე­დი­ლია პარ­ლა­მენ­ტში. მე მოხმრე ვარ უკონ­ტაქ­ტო პატ­რუ­ლი­რე­ბის, ეს არ არის "ნოუ ჰაუ" და ბევრ ქვე­ყა­ნა­ში გვხვდე­ბა. მომ­წონს გერ­მა­ნი­ის, ბელ­გი­ის, ჰო­ლან­დი­ის გა­მოც­დი­ლე­ბა. სკან­დი­ნა­ვი­ის ქვეყ­ნე­ბი სა­ერ­თოდ გა­მორ­ჩე­უ­ლი და სა­მა­გა­ლი­თოა ავ­ტო­საგ­ზაო შემ­თხვე­ვე­ბის და ამ დროს გარ­დაც­ვა­ლე­ბის ყვე­ლა­ზე ნაკ­ლე­ბი ციფ­რე­ბია.

ბელ­გი­ამ მაქ­სი­მა­ლუ­რი ენერ­გია ჩადო იმა­ში, რომ მუ­ნი­ცი­პა­ლუ­რი ტრან­სპორ­ტი გან­ვი­თარ­დეს. ბრი­ტა­ნეთ­ში არის სო­ცი­ა­ლუ­რი კამ­პა­ნი­ე­ბი, თუ სად და რო­გორ უნდა მო­იქ­ცეს მძღო­ლი და თუ ისე არ მო­იქ­ცე­ვა, რა შე­დე­გე­ბი შე­იძ­ლე­ბა მოჰ­ყვებს.

შეც­დო­მად მი­მაჩ­ნია, როცა 2012 წელს ახალ­მა ხე­ლი­სუფ­ლე­ბამ ჯა­რი­მე­ბი გა­ა­ნა­ხევ­რა ისეთ დარ­ღვე­ვებ­ზე, რო­გო­რი­ცაა სიჩ­ქა­რის გა­და­ჭარ­ბე­ბა, უწყვე­ტი ხა­ზის გა­დაკ­ვე­თა, გას­წრე­ბა. ახალ პროგ­რა­მა­ში წე­რია, რომ ჯა­რი­მე­ბი უნდა გა­ი­ზარ­დოს ასე­თი დარ­ღვე­ვე­ბის­თვის. გა­მო­დის, რომ შეც­დო­მა იყო ჯა­რი­მე­ბის გა­ნა­ხევ­რე­ბა. მას შემ­დეგ დღემ­დე 40%-ით არის გაზ­რდი­ლი ავ­ტო­საგ­ზაო შემ­თხვე­ვე­ბის რა­ო­დე­ნო­ბა.

- საგ­ზაო შემ­თხვე­ვე­ბის შე­სა­ხებ ში­ნა­გან საქ­მე­თა სა­მი­ნის­ტროს 2016 წლის სტა­ტის­ტი­კა ჯერ არ არის ცნო­ბი­ლი. თქვე­ნი დაკ­ვირ­ვე­ბით, რა ტენ­დენ­ცი­აა ამ მხრივ, იმა­ტა თუ იკლო ავ­ტო­საგ­ზაო შემ­თხვე­ვე­ბის დროს გარ­დაც­ვლილ­თა რი­ცხვმა?

- 2016 წლის მო­ნა­ცე­მე­ბიც არ არის სა­ი­მე­დო, 2015 წლის შე­დეგ­ზე უკე­თე­სი არ იქ­ნე­ბა, პი­რი­ქით, გაზ­რდი­ლია ავ­ტო­საგ­ზაო შემ­თხვე­ვე­ბის, და­შა­ვე­ბულ­თა და და­ღუ­პულ­თა რა­ო­დე­ნო­ბე­ბი.

გა­სულ კვი­რას მხო­ლოდ ორ დღე­ში და­ფიქ­სირ­და 11 გარ­დაც­ვლი­ლი. ახ­მე­ტა­ში იყო ავა­რია, რუს­თავ­ში, ურეკ­ში. 11 ადა­მი­ა­ნი ორ დღე­ზე, ეს უბ­რა­ლოდ კა­ტას­ტრო­ფაა. ჩვე­ნი გზე­ბი არის სა­საკ­ლაო შე­იძ­ლე­ბა ვთქვათ, არა­ნა­ი­რი უსაფრ­თხო­ე­ბა არ არის და­ცუ­ლი. ამას თან ერ­თვის და­უს­ჯე­ლო­ბის სინ­დრო­მი, რო­დე­საც ადა­მი­ა­ნი ერთხელ არ­ღვევს, ორ­ჯერ, ხუთ­ჯერ და არ ის­ჯე­ბა.

- რა ასაკ­ში და რო­გორ უნდა ის­წავ­ლოს ადა­მი­ან­მა საგ­ზაო მოძ­რა­ო­ბის წე­სე­ბი და რა არის თქვე­ნი რე­კო­მენ­და­ცია ამ მხრივ?

- სა­ქარ­თვე­ლოს სა­ბავ­შვო ბა­ღებ­ში არ ის­წავ­ლე­ბა არა­ფე­რი. სა­ერ­თა­შო­რი­სო გა­მოც­დი­ლე­ბა გვე­უბ­ნე­ბა, რომ ბა­ღის აღ­საზ­რდე­ლი უნდა არ­ჩევ­დეს შუქ­ნი­შანს და ზებ­რას და უნდა იცო­დეს რო­გორ გა­და­დი­ან ადა­მი­ა­ნე­ბი გზებ­ზე. და­წყე­ბით კლა­სებ­შიც არა­ფე­რი ის­წავ­ლე­ბა. მა­ღა­ლი კლა­სე­ბის მოს­წავ­ლე­ებს კი მან­და­ტუ­რი ას­წავ­ლის, მაგ­რამ მი­მაჩ­ნია, რომ მან­და­ტუ­რის კვა­ლი­ფი­კა­ცია საგ­ზაო მოძ­რა­ო­ბის უსაფრ­თხო­ე­ბის სა­კი­თხებ­ში არის არა­თუ და­ბა­ლი, არა­მედ არ შე­ე­სა­ბა­მე­ბა არა­ნა­ირ სტან­დარ­ტებს.

რაც შე­ე­ხე­ბა ავ­ტოს­კო­ლებს, მათი ნა­წი­ლი ას­წავ­ლის "თაღ­ლი­თუ­რად". არ­სე­ბობს ხრი­კე­ბი, რომ­ლებ­საც აზე­პი­რე­ბენ და ადა­მი­ა­ნი გა­დის გა­მოც­და­ზე, კო­რუფ­ცი­ის გა­რე­შე იღებს მარ­თვის მოწ­მო­ბას, მაგ­რამ არა­ა­დექ­ვა­ტუ­რია იმ გა­რე­მოს­თან შე­სა­ბა­მი­სო­ბა­ში, სა­დაც მო­უ­წევს მან­ქა­ნის ტა­რე­ბა. ჩვენ ვი­თხოვთ ახა­ლი სტან­დარ­ტე­ბის და­ნერგვას ამ კუ­თხი­თაც.

რა სტრა­ტე­გია აქვს ში­ნა­გან საქ­მე­თა სა­მი­ნის­ტროს ავ­ტო­საგ­ზაო შემ­თხვე­ვე­ბის შემ­ცი­რე­ბის კუ­თხით, რა პრე­ვენ­ცი­უ­ლი ღო­ნის­ძი­ე­ბე­ბის გა­ტა­რე­ბაა და­გეგ­მი­ლი 2017 წელს, რა მიდ­გო­მე­ბი აქვს სა­მი­ნის­ტროს მო­ზარ­დე­ბის­თვის საგ­ზაო მოძ­რა­ო­ბის წე­სე­ბის სწავ­ლე­ბის კუ­თხით, რა ეტაპ­ზეა ევ­რო­კავ­ში­რის დი­რექ­ტი­ვე­ბის შეს­რუ­ლე­ბა და კი­დევ სხვა კი­თხვებ­თან და­კავ­ში­რე­ბით უწყე­ბა­ში გაგ­ზავ­ნილ შე­კი­თხვებ­ზე ჯერ­ჯე­რო­ბით პა­სუ­ხი ვერ მი­ვი­ღეთ, თუმ­ცა უახ­ლო­ეს მო­მა­ვალ­ში შე­მოგ­თა­ვა­ზებთ ვრცელ ინ­ტერ­ვი­უს სა­მი­ნის­ტროს მა­ღალ­ჩი­ნო­სან­თან, რო­მელ­შიც წარ­მოდ­გე­ნი­ლი იქ­ნე­ბა შსს-ს პო­ზი­ცია.

ნინო ხოზ­რე­ვა­ნი­ძე

AMBEBI.GE

წა­ი­კი­თხეთ ასე­ვე: 7 ად­გი­ლი თბი­ლის­ში, სა­დაც ყვე­ლა­ზე მეტი ავა­რია ხდე­ბა

გა­და­დი ბმულ­ზე და გა­ე­ცა­ნი ყვე­ლა სი­ახ­ლეს 2016 წლის გან­მავ­ლო­ბა­ში სა­ქარ­თვე­ლოს მას­შტა­ბით მომ­ხდა­რი ავა­რი­ე­ბის შე­სა­ხებ