მნიშვნელოვანი ინფორმაცია
17
მარტიდღის ზოგადი ასტროლოგიური პროგნოზი
ორშაბათი, მთვარის მეცხრამეტე დღე დაიწყება 23:42-ზე, მთვარე მორიელში იქნება 11:30-ზე
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. მოერიდეთ ცხარე და ცხიმიან საკვებს. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რომელ დარღვევაზე ჩამოგაკლდებათ ყველაზე მაღალი ქულა მართვის მოწმობის 100 ქულიანი სისტემის ამოქმედების შემდეგ
14:39 / 16-12-2016
მართვის მოწმობებზე ყველაზე მაღალი ქულის ჩამოკლება მოხდება სიჩქარის გადაჭარბებისთვის ან ღერძულა ხაზის გადაკვეთისთვის, - ამის შესახებ შს მინისტრის მოადგილე შალვა ხუციშვილმა "პალიტრანიუსის" გადაცემა "360 გრადუსში" განაცხადა.
ნახეთ მნიშვნელოვანი ფრაგმენტი გადაცემიდან
როგორც ხუციშვილმა აღნიშნა, საგზაო მოძრაობის უსაფრთხოების მხრივ შსს-ს 2017 წელს რამდენიმე სიახლე აქვს დაგეგმილი.
"საგზაო მოძრაობის მიმართულებით სიახლე იქნება ის, რომ მართვის მოწმობის გამოცდა შეიცვლება და გარკვეულწილად გართულდება, ანუ რეალურ დროში გადავა ქუჩაში. ამისთვის ჩვენ ჩავატარეთ მთელი რიგი მოსამზადებელი სამუშაოები. ქულების მინიჭებას კიდევ დიდი მნიშვნელობა აქვს, რათა მდიდარი და ღარიბი გათანაბრდეს და ჯარიმაში არ გამოიხატებოდეს სახელმწიფოს დამოკიდებულება კანონის დამრღვევთა მიმართ. ყველაზე მაღალი ქულის ჩამოკლება მოხდება სიჩქარის გადაჭარბებისთვის ან ღერძულა ხაზის გადაკვეთისთვის", - განაცხადა შალვა ხუციშვილმა.
შს მინისტრის მოადგილის თქმით, უწყების მიზანია ასევე საგზაო წესების დარღვევაზე პატრული აღარ მოცდეს და მისი საქმიანობა, მთლიანად თუ არა 80% იყოს დანაშაულის პრევენცია.
"ჩვენი მიზანია, რომ საპატრულო პოლიციამ უფრო მეტად იმუშაოს დანაშაულის პრევენციაზე, ვიდრე ისეთ დარღვევებზე, როგორიცაა წითელ შუქზე გავლა ან სიჩქარის გადაჭარბება. ამ ყველაფერს გააკეთებს ე.წ. ჭკვიანი კამერები, რომელიც აღჭურვილი იქნება ანალიტიკური პროგრამით, მათ შორის ნომრის ამოცნობის შესაძლებლობით. სწორედ ეს სისტემა დააფიქსირებს ავტომატურად დარღვევებს, მათ შორის წითელ შუქზე გავლას, სიჩქარის გადაჭარბებას, ღერძულა ხაზის გადაკვეთას და ამავე დროს ავტომატურად გამოწერს ჯარიმას. რაც შეეხება უკონტაქტო პატრულირებას, იმის გამო, რომ გარკვეულწილად პარლამენტში საგზაო მოძრაობის უსაფრთხოების პროექტის განხილვები შენელდა და პროცესი წინ არ წავიდა სხვადასხვა გარემოებებიდან გამომდინარე, ჩვენ დავიწყეთ მის ალტერნატივებზე მუშაობა და ალტერნატივა არის მთელი ქალაქის მასშტაბით ასეთი ჭკვიანი კამერებით საგზაო მოძრაობის გაკონტროლება. უკანტაქტო პატრულის სისტემას აზრი არ დაუკარგავს და თუ პარლამენტი გაიზიარებს ამ სისტემას, ჩვენ დავნერგავთ, მაგრამ იმის მიუხედავად, როგორ განვითარდება პარლამენტში მსჯელობა, ჩვენ მაინც დაგვრჩება ეფექტური მექანიზმი ამ მიმართულებით", - განაცხადა ხუციშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მეტეხის ხიდიდან, მტკვარში კიდევ ერთი მანქანა გადავარდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
