მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბადუკა ხვალ ქვეყნის დატოვებას აპირებდა, კიევის ბილეთი ჰქონდა აღებული" - რას ჰყვებიან ჯოხაძის ახლობლები მკვლელობაში ბრალდებულზე
14:08 / 02-09-2016
ფალიაშვილისა და რიგის ქუჩების გადაკვეთაზე ე.წ. კრიმინალური ავტორიტეტის გიორგი ჯოხაძის ძმა, სოსო ჯოხაძე მოკლეს. შემთხვევა 15:20 წუთზე მოხდა. ნიღბიანმა მამაკაცმა ავტომობილში მყოფ ჯოხაძეს და მასთან ერთად მყოფ ზაქარია ჩიბუხაშვილს ცეცხლი გაუხსნა. ჩიბუხაშვილი მძიმედ დაიჭრა. ის მკურნალობას რესპუბლიკურ საავადმყოფოში გადის. ფაქტი შსს-მ ცხელ კვალზე გახსნა. სამართალდამცველებმა მკვლელობაში ბრალდებული ბადრი ნათობაძე (ბადუკა) დააკავეს.
იგი საზოგადოებამ რამდენიმე წლის წინ გაიცნო, როდესაც ყველაზე თამამ და პოპულარულ მოდელზე, მარიშა მაისურაძეზე იქორწინა.
სოციალურ ქსელში გავრცელებული ინფორმაციით მიხედვით, ნათობაძე წინა ხელისუფლების დროს პრეზიდენტის ადმინისტრაციაში მუშაობდა, თუმცა უცნობია რა თანამდებობაზე. საუბარია მიხეილ სააკაშვილის პრეზიდენტად ყოფნის პერიოდზე.
როგორც ცნობილია, სხვადასხვა ბრალდებით ნათობაძე არაერთხელ იყო დაკავებული და საპატიმრო მას შემდეგ დატოვა, რაც 2013 წელს მიხეილ სააკაშვილმა შეიწყალა.
Ambebi.ge-სთან საუბარში მოკლული ჯოხაძის ოჯახის ახლობელმა განაცხადა, რომ ბადუკა ნათობაძეს სოსო ჯოხაძეზე თავდასხმა წინასწარ ჰქონდა დაგეგმილი და ხვალ ქვეყნის დატოვებასაც აპირებდა. მისივე ინფორმაციით, "ბადუკას" კიევის ბილეთი ჰქონდა აღებული. რა მიზნით აპირებდა ის კიევში გამგზავრებას ან ვისთან, უცნობია. კიევის ბილეთი ჰქონდა აღებული სოსო ჯოხაძესაც, რომელიც ბოლო დროს უკრაინაში ცხოვრობს და საქართველოში შვილის დაბადების გამო ჩამოვიდა.
თამარ ბოჭორიშვილი
Ambebi.ge
ასევე ნახეთ: ინტერნეტში ვაკეში მომხდარი მკვლელობის ამსახველი ვიდეოკადრები ვრცელდება
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
