მნიშვნელოვანი ინფორმაცია
27
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"3.000 ევროს ხელფასს სთავაზობდნენ აზერბაიჯანის ნაკრებში..." - რას ყვება დავით ქაცარავა ზაზა ნადირაძეზე
04:08 / 19-08-2016
ქართველი კანოისტი ზაზა ნადირაძე რიოს ოლიმპიადაზე ფინალში მე-5 ადგილზე გავიდა. ნადირაძემ 39.817 წამი დააფიქსირა და მედლამდე სულ ცოტა დააკლდა.
მის შესახებ ბევრს გუშინდლამდე არაფერი სმენია, ბევრმა ისიც კი არ იცოდა, რომ საქართველოს სპორტის ამ სახეობაში - კანოე, საკუთარი წარმომადგენელი ჰყავდა. სპორტსმენის მეგობრები გუშინ "ფეისბუქზე" ზაზას პრობლემებზე წერდნენ, რისი გადალახვაც 22 წლის მცხეთელ სპორტსმენს იმისთვის უწევს, რომ წარმატებას მიაღწიოს.
კანოეს ფედერაციის პრეზიდენტს, დავით ქაცარავას დავუკავშირდით:
- ჩვენი ფედერაცია 2012 წელს ჩამოყალიბდა, კანოე გამოეყო ნიჩბოსნების ეროვნულ ფედერაციას, სადაც რამდენიმე სახეობა იყო გაერთიანებული - კანოე და კაიაკმა. ზაზა ნადირაძე კანოისტი გახლავთ.
ამ სახეობამ განვითარება 2012 წლიდან დაიწყო და სწორედ მაშინ გადმოინაცვლა ზაზამ ჩვენს ფედერაციაში. როგორც გითხარით, 2012 წლიდან, ლონდონის ოლიმპიადის შემდეგ, აქტიური მომზადებას შევუდექით, - ოლიმპიური ციკლი დავიწყეთ. შესაბამისად, ამ საქმეს 4 წელი დავახარჯეთ და მასში ყველა რესურსი ჩავდეთ, რასაც სახელმწიფო გვაძლევდა და რასაც თვითონ ვშოულობდით. მაქსიმალურად ვიხარჯებოდით. ფედერაციაში მენეჯმენტი შეიცვალა და ამ სპორტის განვითარება ახალი სისხლით დავიწყო და როგორც ხედავთ, შედეგმა არ დააყოვნა.4 წლის განმავლობაში, 2 მსოფლიოს ჩემპიონატის და მსოფლიო თასის, ბრინჯაოს მედლები მოვიპოვეთ და ისიც ზაზას სახელზე მოდის, - 2-ვე მედალი მან მოიპოვა, ასევე რიოს ოლიმპიადის ლიცენზიაც (ეს ევროპის სალიცენზიო ტურნირზე მოხდა). წელს მეორე ადგილი დაიკავა და შედეგი, რაც გუშინ ვნახეთ (მეხუთე ადგილი ოლიმპიადაზე), როგორც მაღალი მაჩვენებლი, - ასე მინდა შევაფასო.
- როგორც გავიგეთ, ზაზას წაყვანა აზერბაიჯანის ნაკრებს სდომებია, თუმცა თქვენ დიდი როლი
გითამაშიათ მის საქართველოში დარჩენაში...- საკმაოდ დიდი ამბები გადავიტანეთ, როდესაც ზაზაზე ნადირობა აზერბაიჯანის ძალიან ძლიერმა ფედერაციამ დაიწყო (სხვათა შორის, აზერბაიჯანელი ბიჭი გახდა ვერცხლის პრიზიორი). დიდი ძალისხმევის შედეგად, ზაზას საქართველოში დატოვება შევძელით, თუმცა ძალიან მომხიბვლელ წინადადებას სთავაზობდნენ. ამიტომ, ზაზას ძალიან ვაფასებ, საბოლოოდ პრაგმატულის ნაცვლად, პატრიოტული გადაწყვეტილება მიიღო. წარმოიდგინეთ, 3.000 ევროს ხელფასს გთავაზობენ აზერბაიჯანის ნაკრებში და საქართველოში თვეში 2.000 ლარამდე შემოსავალს დასთანხმდა.- ე.ი ზაზა ხელფასს იღებს?
- კი, მოვახერხეთ, რომ მისთვის, დაახლოებით, 1.800 ლარი ხელფასი მიგვეცა. ამიტომ მისი მადლიერი ვიქნები მუდამ. ძალიან რთული პერიოდი გამოვიარეთ, - სათანადო თანხები არ იყო, რაც გვჭირდებოდა. სპორტსმენის მომზადება, დიდწილად, ყოველთვის ფინანსებთან არის დაკავშირებული, მაგრამ სპორტის სამინისტროც და ოლიმპიური კომიტეტიც, მხარს გვიჭერდა და გვეხმარებოდა. იმედი მაქვს, ამ ოლიმპიური ციკლიდან გამომდინარე, მხარდაჭერა კიდევ უფრო გაიზრდება. იმასაც ვიტყვი, რომ გვყავს ახალგაზრდა პერსპექტიული, იმედის მომცემი კანოისტები, მაგალითად, მურმან მალანია (ფოთიდან) ზაზას კვალდაკვალ მიჰყვება. წელს, თავის ასაკობრივ კატეგორიაში ორი ვერცხლის მედალი მოიპოვა (მსოფლიო და ევროპის ჩემპიონატი). ასე რომ, აქტიურად ვმუშაობთ, თუმცა პრობლემები ბევრია. არ გაგვაჩნია სავარჯიშო ბაზები, ინვენტარი (ნავები, ნიჩბები) მწირია და მოძველებული მოდელებია. ვცდილობთ, ეს გამოვასწოროთ, მაგრამ ახლა უფრო დიდი იმედი მექნება, რომ ამ პრობლემებს დავძლევთ.
- ინტერნეტმომხმარებლები წერდნენ, რომ ზაზა პარალელურად თურმე მშენებლობაზე მუშაობს და ასე გამოიმუშავებს საარსებო მინიმუმს. სიმართლეა ეს?
- იყო პერიოდი, როდესაც მშენებლობაზე მართლაც მუშაობდა და უკვე დაღლილი მოდიოდა სავარჯიშოდ, მაგრამ ეს პრობლემა საბოლოო ჯამში მოვუხსენით, როდესაც მისთვის ხელფასით უზრუნველყოფა მოვახერხეთ. პერიოდი, როდესაც მშენებლობაზე მუშაობდა, ისტორიას ჩაბარდა. ეს 3 წლის წინ იყო. ახლა მხოლოდ ვარჯიშზე არის გადართული.
- რეალურად ოლიმპიადაზე რა შანსები ჰქონდა?
- მისი გამოსვლის შემდეგ, შემიძლია ვთქვა, რომ შანსები ჰქონდა. უბრალოდ, სტარტი გაურთულდა, ჩანაწერში ჩანს კიდეც, დისტანციის ბოლომდე, მესამე პოზიციაში მიდიოდა, ბრინჯაოს მედლის ზონაში, საკმაოდ, დაჯერებულად, მაგრამ ბოლო 15 წუთი მისთვის რთული აღმოჩნდა, ზედმეტი ძალები დახარჯა და უკვე იმ 15-მეტრიან მონაკვეთში მოწინააღმდეგეებმა კერძოდ, ბრაზილიელმა გადაასწრო.
- რა გეგმები გაქვთ ზაზა ნადირაძესან დაკავშირებით სამომავლოდ?
- კიდევ უფრო აქტიური მოსამზადებელი პერიოდი უნდა დავგეგმოთ. ბუნებრივია, მთავარი მწვრთნელი, კახაბერ ლომიშვილი ძალიან აქტიურად არის ამ ყველაფერში ჩართული. ვიტყოდი, რომ უძლიერესი მწვრთნელი აღმოჩნდა. ამ 4 წელიწადში რთულ მდგომარეობაში ისეთი ნაკრები შექმნა, რომელიც ნებისმიერი დონის ტურნირზე მიდის, ძალიან დიდ უხერხულობებს უქმნის მოწინააღმდეგეებს და ჩამოაქვს კიდეც ჯილდოები, მედლები (ოქრო და ვერცხლი). ასე რომ, იმედიანად ვართ...
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
