მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
15 ქართველი მეცნიერი, რომლებიც მსოფლიოს წამყვან უნივერსიტეტებში მუშაობენ და უნიკალურ ექსპერიმენტებში მონაწილეობენ
01:51 / 04-05-2016
შვეიცარიისა და საფრანგეთის საზღვარზე ბირთვული კვლევების ევროპულ საბჭოში - "ცერნის" ლაბორატორიაში, ადგილზე, სადაც ათასობით მეცნიერი სამყაროს შექმნის საიდუმლოს ამოცნობას ცდილობს, ქართველი მეცნიერებიც უკვე წლებია წარმატებით მოღვაწეობენ.
საქართველოსა და "ცერნს" შორის ურთიერთობა 1996 წლიდან იწყება. სულ "ცერნის" ლაბორატორიაში ფიზიკის 100 მეცნიერი მუშაობს, აქედან 35 ქართველია. მათი ნაწილი საქართველოს მოქალაქეა, ნაწილი კი ლაბორატორიაში სხვადასხვა ქვეყნის სახელით მოღვაწეობს.
ქართველი მეცნიერები არა მარტო "ცერნის" კვლევებში იღებენ მონაწილეობას. მათი სამუშაო გამოცდილება სხვადასხვა ქვეყნის საუნივერსიტეტო პრაქტიკას მოიცავს. ამ ფაქტს ზოგი ე.წ. ტვინების გადინების პრობლემად მოიაზრებს. ისეთი პატარა ქვეყნისთვის, როგორიც საქართველოა, ათეულობით მეცნიერის საზღვარგარეთ მოღვაწეობა მართლაც დასაფიქრებელია, თუმცა ეს იმთავითვე დადებითი და მისასალმებელი ტენდენციაა. ამ ხალხის დახმარებით საქართველო ერთიანი სამეცნიერო სივრცის შექმნას ცდილობს. უცხოეთში მცხოვრები ქართველი მეცნიერები და პროფესორები ხშირ შემთხვევაში არ წყვეტენ კავშირს ქვეყანასთან და თავიანთ გამოცდილებას ადგილობრივებს უზიარებენ.
შოთა რუსთაველის სამეცნიერო ფონდის დახმარებით AMBEBI.GE იმ ქართველ მეცნიერებს გაგაცნობთ, რომლებიც უცხოეთში ცხოვრობენ და სხვადასხვა სამეცნიერო სფეროში მოღვაწეობენ.
ქართველი მეცნიერების მცირე ნაწილის ჩამონათვალს ყველასთვის კარგად ცნობილი ფიზიკოსით, გია დვალით დავიწყებთ. ის ნიუ-იორკის უნივერსიტეტისა და ლუდვიგ მაქსიმილიანის მიუნხენის უნივერსიტეტის პროფესორია თეორიულ ფიზიკაში. ძირითადად ელემენტარული ნაწილაკების ფიზიკის განხრით მუშაობს და ადრონული კოლაიდერის ექსპერიმენტში მონაწილეობს.
ირაკლი მინაშვილი - ბირთვული კვლევების ევროპული ცენტრის "ცერნის" ასოცირებული წევრი და ატლას ექსპერიმენტის კალორიმეტრის მომსახურების ჯგუფის ხელმძღვანელია.
ანდრო კაჭარავა - იულიხის კვლევით ცენტრში, ბირთვული ფიზიკის ინსტიტუტში ANKE კოლაბორაციის სპიკერია.
მერაბ კოკაია - პროფესორია ლუნდის უნივერსიტეტის ნევროლოგიურ განყოფილებაში.
თეა კეკელიძე - ნოვარტისის ბიოსამედიცინო კვლევების ინსტიტუტების სამეცნიერო ურთიერთობებისა და სამეცნიერო განხილვების უფროსია.
ვასილ ჯორჯაძე - ბრუქჰავენის ეროვნულ ლაბორატორიაში მეცნიერ-თანამშრომელი და ერთ-ერთი კონტრაქტორია.
გაბრიელ ჯინჯიხაშვილი - The Israel electrics Corporation-ის უფროსი ექსპერტ-ინჟინერია, მისი საქმიანობა გათანაბრებულია დეპარტამენტის უფროსთან.
დავით ყოლბაია - ვარშავის უნივერსიტეტში კავკასიოლოგიური მიმართულების ხელმძღვანელია.
ირაკლი გარიშვილი - Lawrence Livermore National Laboratory-ის ფიზიკოსი და დოქტორის ხარისხის მფლობელია.
ალექსი ღონღაძე - ATLAS-ის ექსპერიმენტის (CERN) ინჟინერ ფიზიკოსია
სოფიო პატარაია - ATLAS-ის ექსპერიმენტის მკვლევარია CERN-ში.
ალექსი მესტვირიშვილი - აშშ-ში მდებარე იოვას უნივერსიტეტის უფროსი მეცნიერია.
თეიმურაზ ფირაშვილი - მათემატიკოსი, ლესტერის უნივერსიტეტის პროფესორი. ჰუმბოლტის საზოგადოების პრემიის ლაურეატი. საფრანგეთის რიგი უნივერსიტეტების (სტრასბურგი, ნიცა, ნანტი, მონპელიე, პარიზი-13) სადოქტორო დისერტაციების ჟიურის წევრი.
ალექსანდრე შარმაზანაშვილი - ATLAS-ის მონტაჟში (CERN) მონაწილე ინჟინერთა ჯგუფის ხელმძღვანელი.
ზურაბ გუგუჩია - Paul-Scherrer-ის ინსტიტუტის (შვეიცარია) დოქტორი ფიზიკის დარგში.
ქართველი მეცნიერების წვლილი უნიკალური ექსპერიმენტების ჩატარებასა და სხვადასხვა საინტერესო პროექტის წარმატებულ განხორციელებაში საკმაოდ დიდია.
15 Georgian scientists working in world’s leading laboratories and universities
ქრისტინე გამთენაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
