თბილისის მეტროპოლიტენში უპრეცენდენტო ხალხმრავლობაა

თბილისის მეტროპოლიტენი დღეს დილიდან მგზავრებით გადატვირთულია. მეტროპოლიტენის მგზავრთა რაოდენობის გაზრდა საზოგადოებრივი ტრანსპორტით გადაადგილების გართულებამ გამოიწვია.

როგორც თბილისის მეტროპოლიტენში აცხადებენ, მგზავრთა რაოდენობა აშკარად მომატებულია და მეტროპოლიტენი შეუფერხებლად მუშაობს.

მეტროში არსებული ვითარების ფოტოები სოციალურ ქსელებში გავრცელდა.

დედაქალაქში დილიდან ავტოტრანსპორტით გადაადგილება გართულებულია. სტიქიის შედეგად დაზიანებული და გადაკეტილი გზების გამო, ავტოტრანსპორტის მოძრაობა შეფერხებულია და თითქმის მთელი ქალაქის მასშტაბით საცობებია.

რედაქციის რჩევით| რა მდგომარეობაა თბილისის გზებზე სტიქიის შემდეგ: გადატვირთული მოძრაობა და ახალი საგზაო-სატრანსპორტო რეჟიმი