26
ივნისიდღის ზოგადი ასტროლოგიური პროგნოზი
უკვე დადასტურებული ინფორმაციაა, რომ ყოფილმა პრემიერ-მინისტრმა ბიძინა ივანიშვილმა ნიკო ფიროსმანის ნახატი "არსენალის მთა ღამით" კრისტის აუქციონზე მილიონნახევარ დოლარად შეიძინა.
მოგეხსენებათ მას შემდეგ, რაც გაირკვა, რომ ფიროსმენაის ერთ-ერთ გამორჩეულ ნამუშევრად აღიარებული ნახატი, მის კერძო მფლობელს კრისტის აუქციონზე გაჰქონდა, საქართველოში დაიწყო ლაპარაკი იმაზე, რომ სახელმწიფოს უნდა ეზრუნა ფიროსმანის ნახატის სამშობლოში დაბრუნებაზე. მოკლედ, ფიროსმანის ნახატი სამშობლოში ბრუნდება, გავრცელებული ინფორმაციით, ივანიშვილი მას სახელმწიფო მუზეუმს გადასცემს.
მოგეხსენებათ, ივანიშვილი მსოფლიოში ერთ-ერთი ძვირადღირებული ნახატების კოლექციის მფლობელია. (იხილეთ ფოტოგალერეა).
2013 წელს ავსტრალიურმა ონლაინგამოცემა Business Insider-მა მსოფლიოში იმ 10 მილიარდერის რეიტინგი გამოაქვეყნა, რომელთაც ხელოვნების ნიმუშებში ყველაზე დიდი ფული აქვთ გადახდილი. რეიტნგში მე-4 ადგილზე ექსპრემიერი ბიძინა ივანიშვილი მოხვდა, რომელიც გამოცემის ინფორმაციით, 1 მილიარდი ღირებულების ხელოვნების ნიმუშების მფლობელია. როგორც Business Insider-ი აღნიშნავს, საერთო ჯამში, ხელოვნების ნიმუშებში გადახდილი თანხა ბიზნესმენის ქონების 15,6%-ს შეადგენს.
