მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქობულეთის ტრაგედიის ვერსიები: რატომ ვერ შეძლეს ბავშვებმა ალმოდებული ოთახიდან თავის დაღწევა
04:17 / 11-05-2015
რატომ ვერ შეძლეს ბავშვებმა ალმოდებული ოთახიდან თავის დაღწევა და რამ გამოიწვია ხანძარი? - ქობულეთში მომხდარი ტრაგედიის მიზეზების დადგენა, გამოძიების დასრულების შემდეგ გახდება ცნობილი. მანამდე კი მხოლოდ ვერსიებზე შეიძლება საუბარი.
განიხილება ცეცხლის გაჩენის რამდენიმე შესაძლო ვარიანტი - მათ შორის ელექტროსადენების მოუწესრიგებლობა და თამბაქოს ნამწვი.
ანსამბლის ხელმძღვანელები და პედაგოგები ქეიფობდნენ, ბავშვები კი უყურადღებოდ ჰყავდათ დატოვებული, - ამის შესახებ ქობულეთში დამწვარი სასტუმრო "არმაზის" მფლობელმა შერმადინ ართმელაძემ ჟურნალისტებს განუცხადა. მისივე განმარტებით, რამ გამოიწვია ხანძარი, მისთვის უცნობია. ართმელაძე ამბობს, რომ ხანძრის დროს იმ ნომრის გახსნა სცადეს, სადაც ბავშვები დაიღუპნენ, თუმცა, კარი დაკეტილი იყო.
არ არის გამორიცხული, მოზარდებმა მეტალო-პლასტმასის კარის გაცხელების გამო, ვერ შეძლეს მისი გაღება. კარის გარედან ჩაკეტვის შესახებ ინფორმაცია უარყვეს მაშველებმაც.
თალიკო ვერულიძე, ქობულეთის მკვიდრი:
იძახიან, თითქოს, კონდიციონერს გაუჩნდაო. კონდიციონერი გამორიცხულია. იმას ისეთი დამცველები აქვს, მოკლე ჩართვაც რომ ყოფილიყო, მომენტალურად გათიშავდა. ...შეიძლება, სიგარეტი დამალეს და იმას გაუჩნდა.
სულხან ოქროპირიძე, ქობულეთის საკრებულოს თავმჯდომარე:
რამ გამოიწვია ხანძარი, ამაზე მიმდინარეობს მოკვლევა და უახლოეს მომავალში გვექნება შესაბამისი დასკვნა.
არის ვერსიები, რომ ელექტროგაყვანილობიდან იყო... ყველა სასტუმრო, საოჯახო ტიპის იქნება, თუ სხვა, უნდა აკმაყოფილებდეს უსაფრთხოების ზომებს, რომ ასეთი რამ აღარ მოხდეს...
ჰუსეინ სირაბიძე, ბათუმის სამაშველო სამსახურის უფროსი:
მაქსიმალურად ხდებოდა ევაკუაცია, ხოლო როცა მოხდა ხანძრის ლოკალიზება და შევაღწიეთ ოთახში, სადაც ეს ბავშვები იყვნენ, ოთახს კარები საერთოდ აღარ ჰქონდა... რამდენადაც ვიცი, კარები ჩაკეტილი არ იყო, რადგან პოლიციის თანამშრომლებმა და სამაშველოს სამსახურმა ამ ბავშვების ნაწილის დროული ევაკუაცია შეძლეს.
ტრაგედიის ადგილზე ნანახს "კვირის პალიტრასთან" საუბრისას სახანძრო სამსახურის ოცმეთაური მალხაზ ვერულიძე აღწერს.
"გვქონდა ინფორმაცია, რომ მესამე სართულზე უნდა ყოფილიყვნენ. სამწუხაროდ, მესამე სართულზე ასვლა ვერ შევძელით, ხის კიბე იყო და იმხელა ცეცხლი გაჩნდა, კიბე ჩამოიშალა. სახანრძროს სპეცმანქანა მოვიდა, იმ მანქანის კიბით ავედი მესამე სართულზე, მერე სხვებიც ამომყვნენ. ცეცხლის პატარ-პატარა კერებს ვაქრობდით. ამ დროს ვნახეთ ბავშვები... ჩემმა კოლეგამ მითხრა, ეს რა არისო.. იმ ოთახს, სადაც ბავშვები იყვნენ, აღარც კარი ჰქონდა, აღარც ფანჯარა, არც საწოლები გვინახავს, რადგან ყველაფერი დამწვარი, დახრუკული და მიწასთან გასწორებული იყო", - ამბობს მეხანძრე.
ქობულეთის ტრაგედიის ქრონიკა თეგზე #ხანძარი ქობულეთში
იხილეთ ვიდეო: "ამბობენ, რომ ცხედარს ხელში კარის სახელური ეჭირა..."
მომზადებულია Kvirispalitra.ge-ს, Ipn.ge-სა და Rustavi.2-ს მასალების მიხედვით
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
