ქუჩები თბილისში, სადაც საცობის გამო გადაადგილება შეუძლებელია

დედაქალაქში ტრანსპორტის მოძრაობა შეფერხებულია. ამ დროისთვის დედალაქის ყველა ცენტრალურ ქუჩაზე საცობია და ავტოტრანსპორტით გადაადგილება თითქმის შეუძლებელია. დამატებითი ინფორმაციისთვის Ambebi.ge 112-ს დაუკავშირდა.

როგორც 112-ში აცხადებენ, ამ დროისათვის მოძრაობა გადატვირთულია კოსტავაზე, ფილარმონიასთან, ტელევიზიასთან, სააკაძის მოედანზე, გელოვანის ქუჩასა და პეკინის გამზირზე.

შინაგან საქმეთა სამინისტროში აცხადებენ, რომ შექმნილი საცობები რაიმე კონკრეტულ მიზეზს არ უკავშირდება.