სექსი მხოლოდ "ზეციური ქორწინების" შემდეგ... - რა წერია "კაზანტიპის" კონსტიტუციაში

მუხლი 1

კაზანტიპის რესპუბლიკას გააჩნია საზღვრები, მაგრამ არ გააჩნია ტერიტორიები, ის არის სახელმწიფო, რომელიც დროდადრო თავისუფლად გადაადგილდება. რესპუბლიკის დედაქალაქად ნებისმიერი დასახლებული პუნქტი ითვლება, რომელიც თუნდაც მისთვისვე გასაკვირად, რესპუბლიკის ცენტრში აღმოჩნდა.

კაზანტიპის რესპუბლიკა - ყოფილი დემოკრატიული რესპუბლიკაა, რომლის სათავეშიც ტირანი პრეზიდენტი დგას. წელიწადში ერთხელ ტარდება პრეზიდენტის არჩევნები, რომლის დროსაც პრეზიდენტი საკუთარ თავს ირჩევს, რითაც ინაღდებს ტოტალიტარულ-დემოკრატიულ ძალაუფლებას.

მუხლი 3

აღმასრულებელ და საკანონმდებლო ძალაუფლებას რესპუბლიკაში ახორციელებს მინისტრთა კაბინეტი, რომელიც სხვადასხვა სახის საქმის აქტივისტებისგან შედგება, რომლებიც ძირითადად ხალხიდან მოდიან. მინისტრის მოვალეობებში შედის: სერიოზულად ლოყების გაბერვა, კანონპროექტების შექმნა და ფონის შექმნა, რომ ამ კანონებზე რაიმე დამოკიდებულია.

კაზანტიპის რესპუბლიკა არის უტოპიური საზოგადოება, რომელიც ორიენტირებულია შეუძლებლის მიღწევაზე - თავისუფლებაზე სოციალური, პოლიტიკური და ისტორიული კლიშეებისგან, მოქალაქეების მაღალგანვითარებულობაზე, დემოკრატიაზე, კულტურაზე და წესრიგზე. რადგან აე არ ხდება, რესპუბლიკა არარსებულად ითვლება.

რესპუბლიკის მოქალაქედ მულტივიზის მფლობელი ითვლება. პირებს, რომელთაც ტურისტული ვიზა აქვთ, ცოცხალ რიგში მოუწევთ პოლიტიკური თავშესაფრის ლოდინი და შემდეგ დაუყოვნებლივ ექნებათ შესაძლებლობა, სრულფასოვანი მოქალაქის უფლებებით ისარგებლონ.

მუხლი6

რესპუბლიკის ყველა მოქალაქის კონსტიტუციური უფლებაა "იყავი, ვინც გინდა და იცხოვრე, როგორც გინდა". კონსტიტუციური აუცილებლობაა "იმისგან, რაც ხარ, გახდი, ვინც შეგეძლო გამხდარიყავი". მოქალაქეები, რომლებიც საკუთარი უფლებებით არ სარგებლობენ, ითვლებიან "იდიოტებად", მათივე ბრალია და მათთვისვეა უარესი.

რესპუბლიკის სახელმწიფო რელიგიად ითვლება სასწაულებისადმი რწმენა. სხვა რელიგიის აღმსარებლები არ ემორჩილებიან კანონებს და ითვლებიან ცინიკოს რეალისტებად, რომლებთანაც ჯობს კონტაქტში არ შეხვიდეთ, თუ გსურთ, რწმენა შეინარჩუნოთ. პრინციპში მათთვისვეა უარესი.

რესპუბლიკის მოქალაქის ნაციონალური კერძია მოხარშული სიმინდი და მოხალული მზესუმზირა.

პლაჟი, ზღვა, მზე, ცა, პალმები და არაამქვეყნიური სილამაზის გოგონები ითვლებიან ნაციონალურ მონაგარად, რომლებიც დაცულები არიან და გამოიყენებიან სახელმწიფოს მიერ.

შემოქმედებითი ინტელიგენცია ითვლება კაზანტიპის საზოგადოების პრივილიგირებულ ფენად, რომელთაც უფლება აქვთ, მიიღონ მინისტრის პორტფელები, შევიდნენ ტუალეტში ურიგოდ და მოიპოვონ სახალხო დიდება.

ფრიკები არიან რესპულიკის ნაციონალური მონაპოვარი და ხელისუფლების ზედამხედველობის ქვეშ იმყოფებიან.

ნაციონალურ სპორტად ითვლება კაიტსერფინგი. თუ მოქალაქეს ფრენა შეუძლია, ეს გარანტიას აძლევს, მაღალ საზოგადოებაში ჩარიცხვის და კანონის მხარდაჭერის მოპოვებაში.

რესპუბლიკის ოფიციალური ჰიმნია მუსიკალური ნაწარმოები, რომელიც პრეზიდენტისთვის ჟრუანტელის მომგვრელია.

სახელმწიფო ფეტიშებია:

- რესპუბლიკის ვიზა

- ყვითელი ჩემოდანი ხავერდის კიდეებით არის განსაკუთრებული მნიშვნელობის სახელმწიფო ატრიბუტი და რესპუბლიკაში უვიზო მიმოსვლის საშუალებას იძლევა.

- მანტრები:

• ცხოვრება საცვლების გარეშე! მუდამ გაზაფხული მთელ მსოფლიოში!

• დაე, ყველაფერი იყოს ისე, როგორც ჩვენ გვინდა, იმიტომ, რომ ჩვენ ცუდი არაფერი გვინდა!

• ეს მიწა ჩვენია, ვისაც არ მოგწონთ, ჯანდაბამდე გზა გქონიათ!

რესპუბლიკის ტერიტორიაზე მისასალმებელია სიყვარული ნებისმიერი სახის გამოვლინებით, გარდა სექსუალური აღვირახსნილობისა. მათთვის, ვინც ამას გვერდს აუვლის, დაწესებულია "სწრაფი ქორწინების" ინსტიტუტი. მოქალაქეები, რომელთაც უცებ შეუყვარდებათ ერთმანეთი, საშუალება ეძლევათ, სწრაფად განახორციელონ ზეციური ქორწინება, ანუ გაიარონ "სწრაფი ქორწინების" ცერემონია. ზეციური კავშირის რაოდენობა განუსაზღვრელია. ღმერთმა დალოცოს თქვენი კავშირი!

კონსტიტუცია სახელმწიფოს მთავარი დოკუმენტია და აუცილებელია მისი მინიმუმ ერთხელ წაკითხვა. კონსტიტუცია შეიძლება შეივსოს და განახლდეს მრავალჯერ, იმის მიხედვით, რას მოიფიქრებს კანონშემოქმედებითი ხელისუფლება და პრეზიდენტი. კონსტიტუციური ნორმების არცოდნა არ ათავისუფლებს მოქალაქეებს პასუხისმგებლობისგან, რომელთაც მათი შეუსრულებლობა დააკისრებს.