23
ივლისიდღის ზოგადი ასტროლოგიური პროგნოზი
ავღანეთში 19 დეკემბერს გაუჩინარებული სერჟანტი გიორგი კიკაძე გარდაცვლილი იპოვეს. ამის შესახებ განცხადება თავდაცვის სამინისტროში გამართულ საგანგებო ბრიფინგზე მინისტრმა ირაკლი ალასანიამ გააკეთა. ალასანიას თქმით, ის იმყოფებოდა გარდაცვლილი სამხედროს ოჯახში და პირადად მიუსამძიმრა გიორგი კიკაძის მშობლებს.
როგორც მინისტრმა განაცხადა, ეს მძიმე ფაქტი უნდა გახდეს მაგალითი და გამომაფხიზლებელი საერთაშორისო მისიაში მონაწილე ყველა სამხედრო პირისთვის, რათა სხვა დროს გაუფრთხილებლობით აღარ მოხდეს მსგავსი ტრაგედია და უფრო მეტი წინდახედულობით მოეკიდოს ყველა სამხედრო მოსამსახურე მისიაში მონაწილეობას.
როგორც მინისტრმა აღნიშნა, იმასთან დაკავშირებით, თუ რა ვითარებაში გარდაიცვალა ქართველი სამხედრო, მიმდინარეობს გამოძიება და დამატებითი დეტალები უკვე გამოძიებისთვის დასრულების შემდეგ გახდება ცნობილი. ამასთან, როგორც მინისტრმა აღნიშნა, ამ ეტაპზე მიმდინარეობს მოლაპარაკებები და პროცესი, რომ რაც შეიძლება დროულად მოხდეს დაღუპული ქართველი სამხედროს გადმოსვენება საქართველოში.
იხილეთ ვიდეო: ავღანეთში გაუჩინარებული ქართველი სამხედრო გარდაცვლილი იპოვეს
